روونکردنەوەی زانایان دەربارەی دەستدرێژیکردنە سەر مامۆستا مەلا فەتاح ناوبەرگەیی

بەناوی خوای بەخشندەی میهرەبان

شەوی رابردوو 17/18-2-2016 کەسانێکی نادیار بە دەستڕێژی گوللە دەسدرێژیان کردۆتە سەر ماڵی مامۆستا مەلا فەتاح ناوبەرگەیی لە شاری هەولێر ، بەڵام سوپاس بۆ خوا مامۆستاو خانەوادەکەی ساخ و سەلامەتن.

وەکو لقی هەولێری یەکێتی زانایانی ئایینی ئیسلامی کوردستان ئیدانەی ئەم کارە دەکەین و، پێشمان وایە ئەوە تەنها دەستدرێژیکردنە سەر ماڵی مامۆستا نییە، بەڵکو هەوڵێکە بۆ شێواندنی ئارامی هەولێری پایتەخت، بۆیە داوا لە دەستگا پەیوەندیدارەکان دەکەین هەموو رێگاکان بگرنە بەر بۆ دۆزینەوەی بکەرانی ئەم کارەو گەیاندنیان بە سزای خۆیان. بۆ ئەوەی ئاسایش و ئارامی کوردستان بەتایبەتی هەولێری پایتەخت بەردەوام بێت و، ژیانی هاوڵاتیانیش لە ژیان و ماڵی خۆیان سەلامەت بن، بەتایبەتی زانایانی ئایینی کە هەمیشە داکۆکیکارن لە پاراستنی ئاسایش و ئارامی و کۆمەڵایەتی کوردستان.

لقی هەولێری یەکێتی زانایانی ئایینی ئیسلامی کوردستان

18/2/2016