سه‌ر له‌به‌یانی 28 / 10 / 2010، به‌ سه‌رپه‌رشتی شێخ نیاز راغب دێگه‌یی به‌رپرسی لقی هه‌ولێری یه‌كێتی زانایانی ئاینی ئیسلامی كوردستان‌و، به‌ئاماده‌بوونی كارگێڕو ئه‌ندامانی لق، به‌مه‌به‌ستی زیاتر كاراكردن‌و، توندو تۆڵ كردنی ناوچه‌كان‌و، پێدانی ڕێنمایێكی گرنگ سه‌باره‌ت به‌ كارو چاڵاكییه‌كانیان‌و، چۆنیه‌تی ڕاپه‌ڕاندنیان، له‌گه‌ڵ سه‌رجه‌م ناوچه‌كانی سنووری لقه‌كه‌ی كۆبووه‌وه‌.

له‌ میانه‌ی كۆبونه‌وه‌كه‌دا به‌ڕێبه‌رپرسی لق، به‌ وردی تیشكی خسته‌ سه‌ر ئه‌وه‌ی: كه‌ده‌بێت ناوچه‌كانی یه‌كێتی زانایان، بوونی خۆیان له‌ سنووره‌كانیان بسه‌لمێنن‌و، ڕۆلی دیارو به‌رچاو و كاریگه‌ری ئه‌رێنیان هه‌بێت له‌هه‌مبه‌ر پرسه‌ ئاینی‌و نه‌ته‌وه‌ییه‌كان له‌ واقیعی ئێستای ئه‌مڕۆی نێو كۆمه‌ڵگاكه‌ماندا.

هه‌روه‌ها ئاماژه‌شی به‌پێوێستی هه‌ماهه‌نگی نێوان ناوچه‌كانی یه‌كێتی زانایان‌و، سه‌رجه‌م دام‌و ده‌زگاكان كرد، به‌مه‌به‌ستی زیاتر خزمه‌ت گه‌یاندن به‌ ئاینی ئیسلام‌و مامۆستایانی ئاینی‌و كۆمه‌ڵگاكه‌مان.