رۆژی چوارشەممە 31/10/2019  سەرپەرشتی کۆبونەوەی لقی چەمچەماڵی یەکێتی زانایانمان کرد و لەوتەیەکماندا تەئکید و هەڵوێستەمان لەسەر چەندخاڵێک کرد گرنگترینیان :

-  مەزڵومیەتی خەڵکی ڕۆژئاوای کوردستان و هەڵوێستی نەتەوایەتی زانایان شایەنی ڕێز و نرخاندنە .

-  دروستکردنی برایەتی و یەکڕیزی نێوان زانایانی ئاینی ئەرکێکی شەرعی و پیشەییە و ئێمەش وەک لقی چەمچەماڵ پشتیوان بە خوا  پێشەنگ ئەبین لەوئەرکەدا . 

 - پێویستە لق و ناوچەکانمان و لیژنەی فەتوا و زانایانی سنورەکەمان زۆرترین چالاکی و بەشداریان هەبێت لەم یادە پیرۆزەدا لە چوارچێوەی ڕێنماییەکانی مەکتەبی تەنفیزیدا .

-  سەرجەم نوسراوەکانی مەکتەبی تەنفیزی لە لایەن جێگری لێپرسراوی لقەوە خوێنرانەوە .

 - لێپرسراوی بەشی ڕێکخستن ناسنامەی ئەندامانی پێدانەوە و چەند ڕێنماییەکی سەبارەت بەئەندام بون گەیاندە ئامادەبوا

-  بەرپرسی بەشی دارایی هاوکاریەکانی مانگی (۱۰)ی گەیاندە ئامادەبوان پێی ڕاگەیاندن نیوەڕۆ میوانی لقەکەمان دەبن

 - سەرۆکی لیژنەی فەتوا ڕونکردنەوەی پێویستی خستە ڕو لەسەر فەتواکانی ئەنجومەنی باڵای فەتوا ی شەرعی و داوای پابەندبونی لە ئامادەبوان کرد .

 - لێپرسراوی ناوچەکانیش سەرنج و بۆچون و تێبینی خۆیان باس کرد لەسەر کۆی بابەتەکان .

-  لەکۆتایی کۆبونەوەکەشدا بەڕێوەبەری ئەوقافی چەمچەماڵ ئامادەبو پێکەوە بڕیاری هەماهەنگی درا لە سەر چەند خاڵێک .