مامۆستا مەلا عبدالحمید رێکانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات

ئێوارەی ئەمرۆ 27ی7ی2021 مامۆستا مەلا عبدالحمید رێکانی زاناو کەسایەتی ئایینی و کۆمەڵایەتی شاری دهوک كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:


به‌ناوی خوای گه‌وره‌و میهره‌بان


(كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ)


بنەماڵەی به‌رێز مامۆستا مەلا عبدالحمید رێکانی


بەداخەوە هه‌واڵی وه‌فاتی زاناو مامۆستای ئایینی و کەسایەتی کۆمەڵایەتی شاری دهوک (مامۆستا مەلا عبدالحمید رێکانی)مان پێگه‌یشت کە بەهۆی نەخۆشیەوە کۆچی دوایی کرد.


مامۆستا کەسێکی زاناو شارەزاو هەڵکەوتوو بوو، خزمەتێکی زۆری مزگەوت و ئیسلام و موسڵمانانی کردووەو کەسێکی سادەو دیندارو کۆمەڵایەتی و جێی ڕێزو تەقدیر بوو، لە خولی چوارەمدا ئەندامی سەرکردایەتی یەکێتی زانایان بوو.


به‌و بۆنه‌وه‌ پرسه‌و سه‌ره‌خۆشی لە لقی دهوکی یەکێتی زانایان خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.


 انا لله وانا الیه راجعون


یه‌کێتی زانایانی ئایینی ئیسلامی کوردستان


27ی7ی۲٠۲1