مامۆستا مەلا عەلی بێشەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات

ئەمرۆ 13ی11ی2021 مامۆستا مەلا عەلی مەلا غفور بێشەیی زاناو کەسایەتی ئایینی و کۆمەڵایەتی دەڤەری سۆران كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:


به‌ناوی خوای گه‌وره‌و میهره‌بان


(كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ)


بنەماڵەی به‌رێز مامۆستا مەلا عەلی مەلا غفور بێشەیی


بەداخەوە هه‌واڵی وه‌فاتی زاناو مامۆستای ئایینی و کەسایەتی کۆمەڵایەتی سۆران و باڵەکایەتی (مامۆستا مەلا عەلی مەلا غفور بێشەیی)مان پێگه‌یشت کە بەهۆی نەخۆشیەوە کۆچی دوایی کرد.


مامۆستا کەسێکی زاناو شارەزاو هەڵکەوتوو و دڵسۆز بوو، یەکێک بووە لە دڵسۆزانی یەکێتی زانایان و ئەندامی کۆنگرەی یەکەم و دامەزراندنی یەکێتی زانایان بووە، خزمەتێکی زۆری بە ئیسلام و موسڵمانان و بواری زانست و حوجرە کردووە، به‌و بۆنه‌وه‌ پرسه‌و سه‌ره‌خۆشی لە لقی سۆرانی یەکێتی زانایان و خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.


 انا لله وانا الیه راجعون


یه‌کێتی زانایانی ئایینی ئیسلامی کوردستان


13ی11ی۲٠۲1