له‌مێژه خۆرئاوا، به‌تایبه‌ت ئه‌مه‌ریكا له‌ڕووی سیسته‌می حوكمڕانی وژیان، شانازی به دیموكراتیه‌ت ده‌كاو نه‌قلی وڵاتانی خۆرهه‌ڵاتی ناڤین وناوچه‌كه‌ی ده‌كا، كۆمه‌ڵێ هه‌واداری خۆی له‌چه‌ند وڵاتێك هێناوه‌ته‌وه سه‌ركارو ئه‌وپه‌ڕی هاوكاریان ده‌كا، گۆیه ئه‌وانه له‌ناوچه‌كه نوێنه‌ری ئه‌مریكان‌و، نه‌خشه‌و سیاسه‌ت و به‌رنامه‌ی ئه‌و جێ به‌جێ ده‌كه‌ن، دیموكراتیه‌ت به‌رپا ده‌كه‌ن، خزمه‌تی گه‌ل و نیشتیمان ده‌كه‌ن، كه‌چی به‌داخه‌وه، له‌ناوچه‌كه له‌بری دیموكراتیخوازی، له‌حوكمڕانی دا بونه ته دكتاتۆرو نمونه‌ی زۆر خراپ وقێزه‌ون، له‌بری به‌رپاكردنی خۆشگوزاری ودادگه‌ری، له‌سه‌ر خوێنێ خه‌ڵك ده‌ژن، به‌ئاگر وئاسن سه‌روكاری خه‌ڵك ده‌كه‌ن، به‌ئاگر وئاسن دێنه سه‌ركار و به‌ئاگر وئاسن لاده‌كه‌ون، ماناكانی دیموكراتیه‌تیان ده‌سته پاچه كردوه، ناوی ئه‌مه‌ریكا وخۆر ئاوایان به‌دكرد، له‌به‌ر ئه‌وه خه‌ڵك چیكه به‌رگه‌ی ئه‌م هه‌موو زوڵم وزۆر داری وتاوان وبێ دادیه‌ناگرێ، له‌زۆر شوێنی ناوچه‌كه گه‌ل له‌ده‌سه‌ڵاتدارانی خۆیان ڕاپه‌ڕیون، به‌زۆر له‌گۆڕیان ده‌نێن، ئاگر له‌لاشه‌ی حوكمڕانی به‌ناو ئه‌و دیموكراتیه‌ته به‌رده‌ده‌ن كه‌ساڵه‌های ساڵه باڵی شومی خۆی به‌سه‌ر خه‌ڵك داكێشاوه‌و تار وماریان ده‌كا، به‌وه گۆڕانكاریێكی گه‌وره ونوێ له‌خۆر هه‌ڵاتی ناڤین ڕوده‌دا، سیسته‌م وژیانێكی نوێ ده‌ست پێ ده‌كاته‌وه، به‌رژه‌وه‌ندییه‌كانی خۆرئاواش ده‌كه‌ونه مه‌ترسی و، له زۆر شوێن مه‌ترسی له‌هاتنه سه‌ركاری ئیسلامیه‌كان هه‌یه، بۆیه له‌سه‌ركوتكردنی خه‌ڵك هه‌ڵوێستێكی شایسته‌شی نی یه، به‌ناچاریش ده‌بێ خۆرئاوا مامه‌ڵه له‌گه‌ڵ گۆڕانكاریه‌كان وخواسته‌كانی خه‌ڵك دابكا، ڕێز له‌خواستی گه‌ل وداواكاریه‌كان وئاینده‌یان بگرێ، ده‌نا خۆرئاوا وخۆرهه‌ڵاتی ناڤین لێك ده‌پچڕێن، به‌مه‌ش ئیسلام له‌ناوچه‌كه زیاتر سه‌رهه‌ڵده‌داته‌وه‌‌و دێته‌وه ئارا. | 