ئەمرۆ 18ی1ی2022 بەرێز د. عبدالله مەلا وەیسی سەرکی یەکێتی زانایان، بە ئامادەبوونی بەرێزان مامۆستا مەلا جەلال خەیلانی جێگری سەرۆک و د.حسن موفتی و د.عومەر مرۆو مامۆستا مەلا دلشاد گەڵاڵی ئەندامانی مەکتەبی تەنفیزی، پێشوازیان لە بەرێز دکتۆر (محمد عجان الحدید) ئەمێنداری گشتی ئەکادیمیای جیهانی زانایانی تەسەوف و شاندی یاوەری کردو.

لەدیدارێکدا باس لە دوا پێشهاتەکانی ئێستای جیهانی ئیسلامی و رۆڵی تەسەوف لەم قۆناغەو گرنگی هەماهەنگی كاری هاوبەش كرا، هەروەها لە تەوەرێکی دیکەی دانیشتنەکە پێویستی پێگەیاندنی زانایان و بڵاوکردنەوەی میانرەوی و دژایەتی کردنی بیری توندرەوی گەنگەشە کرا.

لەلایەن خۆشیەوە بەرێز شێخ محمد عەجان ئەمێنداری گشتی ئەکادیمیای جیهانی زانایانی تەسەوف سوپاسی پێشوازی و دیدارەکەی کردو پێگەی یەکێتی زانایانی لەو رووەوە بەرز نرخاند.