ئەمڕۆ پێنجشەممە ٨—٩—٢٠٢٢ وەفدێكی لقی ڕانیە ی یەكێتی زانایان بەسەرپەرشتی بەڕێز مامۆستا ملا عبدللە دەروەكۆتری بەشداری لە دوو مەڕاسیمی گرنگ دەكات .

یەكەمیان پێشنیوەڕۆكەی بە وتارێك بەناوی لقی ڕانیە و ئەوقافی ڕاپەڕینەوە بەشداربوین  لە ئاھەنگی كردنەوەی مزگەوتی گوندی قوڕەگۆ.

دووەمیان دوای نوێژی عەسر  لەگوندی قادراوا لە پشدەر لەمەڕاسیمێكی شایستەدا بە بەشداری بەرفراوانی زانایان و كەسایەتیەكان و نوێنەرانی حكومەت و لایەنە سیاسیەكان بەشداری ئاشتەوایی نێوان ھەردوو بنەماڵەی  مام حاجی عبداللە برایمەشین و كاك حاجی خاڵند كرد و بەڕێز مامۆستا ملا عبداللە بەرپرسی لق بەناوی ھەردوو لقی زانایانی ڕانیە و قەڵادزێ و ئەوقافی ڕاپەڕین و بنەماڵەی كاك حاجی خاڵندە وە وتارێكی  پێشكەش كرد.

شایەنی باسە چەند مانگێك بەر لە ئێستا لەكێشەیەكی كۆمەڵایەتیدا كە لەنێوان ئەو دوو بنەماڵەیەدا ڕویدا كەسێك كوژرا و یەكێكیش بەسەختی بریندار بوو، بەڵام بەھەوڵی دڵسۆزان لەزانایان و ڕیشسپیانی ھەردوو تیرەی «شارۆشیان» و «مەندەمەران» لە عەشیرەتی ئاكۆ ، توانرا كێشەكە لەوەندە بوەستێنرێ و دواجار ئەلحەمدللە ئاشتەوایی لەنێوان ھەردوو بنەماڵە بەپایان گەیشت.

سوپاس بۆ ھەموو دڵسۆزان، سوپاس بۆ بەشداری بەرفراوانی چین وتوێژە جیاوازەكان دەستخۆشی بۆ دام و دەزگاكانی حكومەت لەناوچەكە كە ھاوكار و ئاسانكار بوون.

سوپاس بۆ گەنجەكان كە گوێڕایەڵی براگەورە و ڕیشسپیان بوون.