مه‌لا سه‌ید صه‌دیق كه‌پرانی، سه‌رپه‌رشتیاری ڕاگه‌یاندنی ناوچه‌كان:
سه‌ر له‌ به‌یانی رۆژی 4/12/2010 مامۆستا مه‌لا عومه‌ر گرده‌شێری، به‌رپرسی ناوچه‌ی 3 ی هه‌ولێری یه‌كێتی زانایان، هاوڕێ‌ له‌گه‌ڵ كارگێڕو ئه‌ندامانی ناوچه‌، پێشوازیان كرد له‌ كاك بارزان كۆیی به‌ڕێوه‌به‌ری بنكه‌ی ئاسایشی باداوه‌‌و، شاندێكی یاوه‌ری.

سه‌ره‌تا به‌رپرسی ناوچه‌، وێڕای به‌خێرهاتنێكی گه‌رمی شاندی میوان، ڕۆلی ئاسایشی به‌رز نرخاند له‌ پاراستنی ئارامی هاووڵاتیان‌و ماندوو نه‌ناسی‌و خه‌مخۆریان، بۆ پارێزگاری كردنی گیانی هاووڵاتیان‌و، به‌ده‌م هاتنیان بۆ كێشه‌كان‌و چاره‌سه‌ركردنیان، هه‌ر بۆیه‌ زۆر جاران مامۆستایانی ئاینی له‌سه‌ر مینبه‌ره‌ پیرۆزه‌كانیان، ڕۆڵی ده‌زگاكانی ئاسایشیان به‌ به‌رز وه‌سف كردووه‌.

له‌لایه‌ن خۆیه‌وه‌ بارزان كۆیی، به‌ناوی خۆی‌و شاندی یاوه‌ری، زۆر سوپاسی كردن بۆ ئه‌م پێشوازیه‌ گه‌رمه‌‌و متمانه‌ پێبوونه‌‌و، ته‌ئكیدی كرده‌وه‌ كه‌ هه‌موو كاتێك له‌خزمه‌تی هاووڵاتیان دا ده‌بین‌و، گوتیشی: كه‌ هه‌موو كاتێك مامۆستایانی ئاینی وه‌كو پیشه‌ی به‌رده‌وامی خۆیان، فاكته‌رێكی گرنگ بوونه‌ له‌نێو كۆمه‌ڵگاكه‌ماندا بۆ پارێزگاری كردن، له‌ ڕه‌وشی ئارامی‌و ئه‌منی ووڵاته‌كه‌مان‌و، به‌رده‌وام ڕۆلی كارای خۆیان بینیووه‌.