ئەمرۆ 7ی5ی2023 بەرێز د. عبدالله مەلا وەیسی سەرۆکی یەکێتی زانایان بە ئامادەیی مامۆستا مەلا جەلال خەیلانی جێگری سەرۆک و ژمارەیەک لە ئەندامانی مەکتەبی تەنفیزی و سەرکردایەتی و ئەنجومەنی باڵای فەتوا پێشوازیان لە شاندێکی موفتی و زانایانی وڵاتی روسیا بەسەرۆکایەتی شامل سەمیحوڵڵاو یاوەری شاندێکی زانایانی کۆربەندی فیهقی ئیسلامی لە عیراق کرد.

لە دیدارێکی دۆستانەدا سەرەتا بەرێز د. عبدالله مەلا وەیسی سەرۆکی یەکێتی زانایان وێڕای بەگەرمی بەخێرهێنان و خۆشحاڵی دەربڕین، پوختەیەکی لە رۆڵ و پرۆژەو ستراتیژی یەکێتی زانایان لەخزمەتکردن و بڵاوکردنەوەی پەیامی ئیسلام و پەیوەندی بە جیهانی ئیسلامی و رەوشی دینداری لەهەرێمی کوردستان خستە ڕوو، دواتر باسی لە رۆڵی زانایانی کورد لە خزمەتکردنی رەوشی ئایینی و توراس و رێبازی گەروە زانایان کردو نمونەی کاریگەری پەیامی میانڕەوی زانایانی کوردی لە بواری یەکتر قبوڵکردن و بڵاوکردنەوەی ئاشتی و مرۆڤدۆستی و پێکەوەژیان و کارکردن لە لێک نزیک کردنەوەی بۆچوونە جیاوازەکان هێنایەوەو چەند خاڵێکی هاوبەشی نێوان هەردوولای باس کرد کە پێویستیە لە رێی هەماهەنگی و پەیوەندی دوولایەنە کاری لەسەر بکرێت، بەتایبەتی لەبواری بەرەنگاربوونەوەی بیری توندرەوی و بڵاوکردنەوەی پەیامی وەستیەت و میانڕەوی.

دواتر شاندەکە وێڕای خۆشحاڵی و سوپاسی پێشوازی گەرمی یەکێتی زانایان، سەرسامی خۆیان بە خزمەت و هەنگاوەکانی زانایانی کورد بەتایبەت لەبواری پێکەوەژیان و بیری میانڕەوی و گەیاندنی پەیامی جوانی ئیسلام بە تێگەیشتنێکی هاوچەرخ و زانستی و دروستەوە، هەروەها لە بەرەنگاربوونەوەی ئەو تەحەدی و بەربەستانەی رووبەرووی موسڵمان دەبێتەوە لە جیهانی ئیسلامی .

شایەنی باسە لە دیدارەکە چەند گفتوگۆیەکی تری پەیوەست بە کۆمەڵێک پرس و بابەتی گرنگ کراو تەئکید لە پێویستی هەماهەنگی و پەیوەندی نێوان هەردوولا کرایەوە.