سەرلەبەیانی ( 2023/8/20) بەڕێز شێخ موسی یحیی باقلانی بەرپرسی لقی هەولێری یەکێتی زانایانی ئایینی ئیسلامی کوردستان و شاندی یاوەری ، سەردانی بەڕێز کاک سەربەست لەزگین بەرپرسی مەکتەبی رێکخستنی پارێزگای هەولێری پارتی دیموکراتی کوردستانیان کرد .
دواتر سەردانی بەڕێز کاک ئاری نانەکەلی جێگری بەرپرسی مەکتەبی رێکخستنی پارێزگای هەولێری پارتی دیموکراتی کوردستانیان کرد و پێشوازیەکی گەرم لە شاندی لقی هەولێری یەکێتی زانایان کرا لەلایەن بەڕێزیان .
بەڕێز شێخ موسی باقلانی سوپاسی هاوکاری وهەماهەنگی بەڕێزیانی کرد کە بەردەوام لە خزمەت خەلک و خاک وبەتایبەتی مامۆستایانی ئایینی دابوونە و جەختیان لە هەماهەنگی زیاتریان کرد بۆ زیاتر بەرقەرار کردنی ئاشتەوای کۆمەڵگەو سەقامگیری وئاسایشی کوردستان و هەولێر بەتایبەتی تر
دواتر هەردوو بەڕێزان گوێیان لە شاندی میوان گرت و دوای دەست خۆشی وپێزانین بۆ لقی هەولێری یەکێتی زانایان لەبەرامبەر ڕۆلی زانایانی ئایینی کە هەردەم دەوری ئیجابیان هەبوە هەرلەسەردەمی شۆرشەکان و تادەگاتە ئەمڕۆ کە کورد پەروەرانە بەرگریان لە خاک و وڵات و نیشتیمان کردوە .
ڕاگەیاندنی لقی هەولێری یەکێتی زانایانی ئایینی ئیسلامی کوردستان . |