ئه‌وه‌ی جێگه‌ی دڵخۆشیه له كۆره‌پانی ئه‌مرۆی كوردستاندا، ئه‌و شانازیه‌یه كه زانایانی ئاینی هه‌میشه پیشه‌نگن له ناو خه‌ڵكدا له مزگه‌وت له دانیشتن وچاكه خوازیدا له هۆلی كۆرو سیمیناره‌كاندا له دانیشتنی ئاشتی و ئاشته‌واییدا، دیاره ئه‌م پێشه‌نگیه‌ش سه‌رچاوه‌كه‌ی ده‌گه‌رێته‌وه بۆ فه‌رموده‌ی حه‌زره‌ت دروودی خوای له‌سه‌ربێ كه فه‌رمویه‌تی زانایان میراتگری پیغه‌مبه‌رانن بێگومان ئه‌م میراته‌ش بریتی یه له زانست و زانست خوازی ودانایی و لێبورده‌یی‌و دلنه‌وایی و ئامۆژگاری و په‌روه‌رده و پێگه‌یاندن بۆ رێگای چاك‌و ته‌ندروست.
بۆیه ده‌بینین زانایانی ئاینی پێگه‌ی قایمی خۆیان هه‌یه له ناو كۆمه‌ڵگا بۆ نمونه زۆر جاران گوێ بیستی خه‌ڵكانی هۆشیارو ژیر ده‌بین كه ده‌ڵێن زانایان گولی گوڵی دانیشتنه‌كانمانن، دیاره سروشتی گوڵیش وایه كه بۆنی خۆش ده‌گه‌یه‌نیبه ده‌وروبه‌ره‌كه‌ی. یان ده‌لین گوندی بێ زانا وه‌كو ئاشی ئاو لێبراوه چۆن له‌سه‌رده‌می كۆن ئه‌گه‌ر ئاو ووشك ببا ئه‌وا ئاش ناگه‌را و خه‌لك بۆ نان پیوست ده‌بون جا له هه‌موو سه‌رده‌مێكیش كۆمه‌لگای ته‌ندروست و هۆشیار پیویستی به زاناو دانی ئاینی یان له‌شارو شارۆچكه بۆ پرس و راو رێدانان و نیشاندان بۆ چاره‌سه‌ركردنی كێشه‌كانیان له رووی شه‌ریعه‌ت و كۆمه‌لایه‌تی دا زانایانیش هه‌میشه گوتویانه‌و ده‌ڵێن شه‌ریعه‌ت سه‌رچاوه‌یه و چاره‌سه‌ره. ده‌ستی خۆتا ماچ بكه‌ن له ده‌ستی ئه‌م و ئه‌و چاكتره واته پیلان‌و ئاشوب مه گێرن ئه‌گه‌ر نا په‌نجه‌ی په‌شیمانی ده‌گه‌زن ئه‌مه له لایه‌ك له لایه‌كی تریش ئه‌گه‌ر سه‌یری هه‌ر لیژنه‌یه‌كی فه‌توای یه‌كێك له لقه‌كانی یه‌كیتی زانایان بكه‌ین ئه‌وا زیاتر بۆمان رۆنده‌بیته‌وه كه زانایانی ئاینی به راستی پیشه‌نگی ئاشتی و برایه‌تی و ته‌بایین، شاراوه نیه كه زۆربه‌ی هه‌ره زۆری گه‌له‌كه‌مان موسلمانن و به ده‌ستور و یاساكانی ئیسلام رازین بۆیه ده‌بینین په‌یتا په‌یتا سه‌ردانی لیژنه‌ی فه‌توا ده‌كه‌ن و كێشه‌كانیان ده‌خه‌نه به‌رده‌م لیژنه .
لیژنه‌ی به‌رێزیش دوای دیراسه‌كردنی بابه‌ته‌كان عیلاج و چاره‌سه‌ری دادگه‌رانه‌یان به‌شه‌ریعه‌تی ئیسلام بۆ داده‌نین سوپاس بۆ خوا كیشه‌كان چاره‌سه‌ر ده‌بن و خاوه‌كانیان هه‌ر له‌به‌ر ده‌می لیژنه‌كانی فه‌توا له‌گه‌ل یه‌كتر ئاشت ده‌بنه‌وه وزه‌رده‌خه‌نه ده‌یانگریت ئینجا زۆر سوپاس و دوعای به‌خیر بۆ زانایانی ئاماده‌بوو ده‌كه‌ن هه‌ر هه‌مویان به‌یه‌ك ده‌نگ ده‌لێن ئیوه‌ن پیشه‌نگی ناو كۆمه‌لگا یاخوا هه‌ر سه‌ربه‌رز وگه‌شاوه بن هه‌روه‌كو بون، ئینجا ده‌بێ گشتمان بزانین شانازی به‌وه ده‌كه‌ن كه له گشت بارو دۆخه‌كان خزمه‌تكارو ریپیشانده‌ری چاكه‌و راستی و پێشه‌نگ بوینه چونكه مرۆڤ ده‌بێ خزمه‌تكارو خه‌م خۆری دین و خاك و نه‌ته‌وه‌كه‌ی خۆی بێت هه‌روه‌كو پێغه‌مبه‌ر (صلی الله علیه وسلم) ده‌فه‌رموێ ( خير الناس أنفععهم للناس ) گومانیشمان نی یه كۆمه‌ڵگای هۆشیار كه‌سی شیاو ده‌كا به چاو ساغ و پێشه‌نگ. بۆیه له كۆتایشدا هه‌ر ده‌یڵێینه‌وه شانازیه زانایان پێشه‌نگن له گۆمه‌لگه.
*پێش نوێژو وتار خوێنی گوندی ماوه‌ران. | 