دوێنێ 5ی2ی2024 بەرێز د.عبدالله مەلا وەیسی سەرۆکی یەکێتی زانایان بە ئامادەیی بەرێز د.عومەر مرۆ ئەندامی مەکتەبی تەنفیزی یەکێتی زانایان پێشوازی لە بەرێز مامۆستا عەلی عەبدولرەحمان رسول بەڕێوەبەری گشتی کاروباری مین – ھەولێر- كرد.
لەدانیشتنێکدا بەگرنگیەوە باسیان لە رۆڵ و ئەركی مامۆستایانی ئایینی لە ھۆشیارکردنەوەی ھاونیشتیمانیان لەمەترسیەکانی مین وتەقەمەنی لەرێگای وتاری ھەیینی ومینبەری مزگەوتەكانەوە كرا، بەو پێیەی بەرنامەی مینپاکی چەندە رەھەندێكی مرۆڤانەی ھەیە، ئەوەندەش رەھەندی ئایینی و نەتەوەیی ھەیە كەمەبەست لێی زیاتر پاراستنی گیانی ھاونیشتیمانیانە.
ھەروەھا باسیان لە پاڵپشتیەکانی حکومەتی هەرێمی کوردستان، کابینەی نۆیەم کرد لە پاڵپشتی بەردەوامیان بۆ كاری مینلابەری بۆ پاككردنەوەی ھەرێمی كوردستان لە مین و پاشماوەكانی تەقەمەنی جەنگی و ھەردوولا ئەمەیان بەكارێكی پرلەخزمەت و مرۆڤانە وەسفكرد.
لای خۆیەوە سەرۆکی یەکێتی زانایان دووپاتی پاڵپشتی و پشتیوانی یەکێتی زانایانی ئایینی ئیسلامی کوردستانی کردەوە بۆ هه‌ربابه‌ت و پڕۆژه‌یه‌ك كه خزمه‌ت بە كوردستانیان بكات. | 
