خیانه‌تی ها‌وسه‌ری یه‌كێكه له‌گوناه‌و تا‌وانه هه‌ره گه‌‌وره‌كان, كه هه‌ریه‌كێك له ژن‌و پیا‌و به‌م تا‌وانه توشی غه‌زه‌بی خوای گه‌‌وره ده‌بێت له‌دونیا‌و دواڕۆژیشدا, هه‌ر‌وه‌ك دیاره مرۆڤی دا‌وێن پیس له‌نێو كۆمه‌ڵگادا گه‌ر بناسرێت به‌چا‌وێكی سوك‌و بێ نرخ‌و به‌ها سه‌یر ده‌كرێت.
خیانه‌ت هه‌ر خیانه‌ته چ پیا‌و به‌رامبه‌ر به خێزانه‌كه‌ی بكات یان به‌پێچه‌‌وانه‌‌وه ژن ئه‌نجامی بدات له ههردوو حاڵه‌تدا هه‌ر ناپاكیه ته‌نانه‌ت گه‌ر كچ یان كوڕ دوور له‌چا‌وی خێزان ئه‌نجامی بده‌ن, خیانه‌تی ها‌وسه‌ری واته شێواندنی شیرازه‌ی خێزان‌و هه‌ڵوه‌شاندنه‌‌وه‌ی.
خیانه‌ت واته ناپاكی, هه‌ركه‌سێك كه خا‌وه‌ن عه‌قیده‌‌و بڕ‌وا‌و كه‌سایه‌تی خۆی بێ ناتوانێ قبوڵی بكا‌و بیكا, كه‌سی خیانه‌تكار هێنده ناپاكه ئینسانیه‌ت‌و كه‌ڕامه‌تی خۆی له‌ده‌ست ده‌دات.
خۆشه‌‌ویستان زۆربه‌ی زۆری ئاژه‌ڵان كه‌عه‌قڵ‌و بیر‌و هۆشیان نییه‌‌و هیچ ته‌كلیفێكی شه‌رعی‌و دینیان له‌سه‌ر نییه, زۆرینه‌یان قبوڵ ناكه‌ن كه نێرینه‌یه‌كی تر بچێته لای مێینه‌كه‌یان.
ته‌نها سه‌گ‌و به‌راز نه‌بێ‌‌و له مرۆڤه‌كانیش كه‌سه نه‌فس نزم‌و به‌رهه‌ڵدایه‌كان نه‌بێ, باشه كه گیاندار ئه‌‌و هه‌ست‌و نه‌سته‌ی تێدابێت‌و غیره‌ت‌و كه‌ڕامه‌تی ئه‌م گیانداره ئه‌مه قبوڵ نه‌كا, كه خیانه‌تی لێ بكرێ ئه‌ی مرۆڤ, كه خوای گه‌‌وره ڕێزی لێنا‌وه‌‌و چه‌ندان ئایه‌تی له‌سه‌ر هاتۆته خواره‌‌وه‌‌و بۆته خه‌لیفه‌‌و جێنشینی خوای گه‌‌وره له‌سه‌ر زه‌‌وی چۆن به‌خۆی ڕه‌‌وا ده‌بینێ به‌م سیفه‌ته‌ی بچێته ڕێزی گیانداران‌و به‌ڵكو له‌‌وانیش كه‌متر‌و سوكتر.
خۆشه‌‌ویستان ژیانی ها‌وسه‌رگیری زۆر هه‌ستیاره‌‌و ده‌بێ ژن‌و پیا‌و زۆر په‌یوه‌ستبن به‌یه‌كه‌‌وه‌‌و نه‌هێڵن گرفتی بچوك كێشه‌ی گه‌‌وره‌ی لێ بكه‌‌وێته‌‌وه‌‌و توشی لێك ترازانیان بكات, چونكه له‌ئه‌نجامی پشت گوێخستنی ههردوو لایه‌ن بۆیه‌كتر خیانه‌تی ها‌وسه‌ری سه‌رهه‌ڵده‌دات.
كهواته خیانه‌تی ها‌وسه‌ری كارێكی زۆر خراپه‌‌و خێزان به‌ره‌‌و هه‌ڵدێر‌و هه‌ڵوه‌شاندنه‌‌وه‌‌و لێك جودابوونه‌‌وه ده‌بات, جا ئه‌م خیانه‌ته هه‌ر كامێكیان هۆكاربن له ژن‌و له‌پیا‌و ده‌كرێ دوو لایه‌نه‌ش بێت.
پێشینانیش زۆر ڕاستیان وتووه, كه ده‌ڵێن هه‌ركه‌سێك خیانه‌ت له‌ها‌وسه‌ری نه‌كات ئه‌‌وا خیانه‌تیشی پێ قبوڵ ناكرێ, یاخود ده‌شڵێن له‌ده‌رگای هه‌ر كه‌سێك بده‌ی له‌ده‌رگات ده‌درێته‌‌وه.
ئه دا‌وێن پیسیش قه‌رزێكه دره‌نگ یا زوو هه‌ر ده‌بێ بدرێته‌‌وه, وه ئه‌‌وه‌ی خیانه‌تیش بكا خیانه‌تی له‌گه‌ڵ ده‌كرێته‌‌وه, كهواته خیانه‌ت زۆر مه‌ترسیداره‌‌و په‌یوه‌ستی به ئابڕوو چون‌و شه‌ره‌فه‌‌وه‌هه‌یه.
سه‌ره‌كیترین هۆكاری ڕوخانی دیواری خۆشه‌‌ویستی‌و كز بوونی چرای پێكه‌‌وه ژیانه‌‌و به‌م ڕه‌فتاره ناشیرینه نائومێدی‌و به‌دبه‌ختی توشی ههردوو لایه‌ن ده‌بێ‌‌و ڕۆژی ڕوناكی منداڵه‌كانیشیان به‌ره‌‌و ئا‌وابوون‌و تاریكی ده‌ڕوا.
به‌مه‌ش كاریگه‌ریه‌كی زۆر خراپ ده‌كاته سه‌ر پاشه‌ڕۆژی منداڵه‌كانیان‌و توشی ڕه‌شبینی‌و بێ ئومێدیان ده‌كات به‌رامبه‌ر به كه‌سانی ده‌‌ور‌وبه‌ریان‌و دوا ڕۆژیان تاریك‌و لێڵ ده‌بێ.
خۆشه‌‌ویستان به‌شێوه‌یه‌كی ڕ‌ون‌و ئاشكرا له‌كوردستانیش ئه‌م دیارده قێزه‌‌ونه سه‌ری هه‌ڵدا‌وه بڕوابكه‌ن به‌شێوه‌یه‌كی وا ته‌شه‌نه‌ی كرد‌و‌وه خه‌ریكه وڵاته‌كه‌مان ببێته‌خوشكه بچوكی ئه‌‌وڕوپا له‌ڕووی خیانه‌تی ها‌وسه‌رگیریه‌‌وه.
كه له هه‌ندێك شوێن‌و جێگا‌و بنه‌ماڵه هیچ ڕێزێك بۆ ڕه‌‌وشت‌و قیه‌م‌و ئه‌خلاق نه‌ما‌وه, به‌ڵام داب‌و نه‌ریت‌و هه‌ستی ئاین په‌ر‌وه‌ری میلله‌تی كورد ئه‌م خیانه‌ت‌و ناپاكیه قبوڵ ناكا.
هه‌تا وای لێهاتووه خیانه‌ت ئه‌مڕۆ بۆته هۆكاری هه‌ڵوه‌شاندنه‌‌وه‌‌و لێك ترازانی زۆر خێزان‌و ئه‌مه‌ش زه‌نگی مه‌ترسی ئه‌م دیارده قێزه‌‌ونه به‌ڕووی كۆمه‌ڵگاكه‌مان لێده‌دات.
خوای گه‌‌وره‌ش قه‌ت جڵه‌‌و بۆ خائینان شل ناكات‌و زوو یا دره‌نگ ده‌یان گرێ‌‌و توشی شه‌رمه‌زاری‌و ڕیسوایی دونیا‌و دواڕۆژ ده‌بن, كهواته خائینان تا سه‌ر ناتوانن به‌رده‌‌وام بن له‌سه‌ر كرده‌‌وه‌كانیان.
پێغه‌مبه‌ری خوداش(ص) ده‌فه‌رمووێ: نیشانه‌ی ئینسانی ناپاك خیانه‌ته له ئه‌مانه‌ت, جا ئه‌‌و ئه‌مانه‌ته ماڵ‌و سه‌ر‌وه‌ت‌و سامان بێ یان شه‌ڕه‌ف‌و ناموس‌و عه‌یبدار كردنی خه‌ڵك بێ.
له‌دێر زه‌مانه‌‌وه خیانه‌تی ها‌وسه‌ری بوونی هه‌بووه‌‌و هه‌ر ده‌شبێ‌‌و كه‌م كه‌سیش هه‌یه مه‌گه‌ر كه‌سانێكی ئیماندار توشی هه‌ڵه‌‌و گوناهو تا‌وان نه‌بوبێ‌‌و پێی هه‌ڵنه‌خلیسكابێ, به‌ڵام قه‌ت وه‌كو ئێستا نه‌بووه گه‌ر سه‌یری دادگا‌و لیژنه فه‌توایه‌كانی یه‌كێتی زانایانی كوردستانیش بكه‌ین ده‌بینین, كه ڕێژه‌ی ته‌ڵاق چه‌ند زۆره به‌هۆی ئه‌‌و شێوه نه‌شیا‌وه كرانه‌‌وه‌مان به‌ڕوی ئه‌‌وڕپادا.
خۆشه‌‌ویستان خیانه‌ت هه‌ر به به‌ریه‌ك كه‌‌وتنی جه‌سته ناكرێ, زۆر جۆری هه‌یه له‌‌وانه تێكه‌ڵ بوونی ژن‌و پیا‌و به‌شێوه‌یه‌كی ناشایسته‌‌و ناشه‌رعی هه‌ر‌وه‌ها جل‌و به‌رگی كورت‌و ته‌نك‌و ته‌سك ئه‌‌ویش ده‌رگایه‌كه بۆ در‌وست بوونی خیانه‌ت‌و ناپاكی.
هه‌تا ژن‌و پیا‌و‌و كچ‌و كوڕ كه قسه ده‌كه‌ن‌و زه‌رده‌خه‌نه ده‌گۆڕنه‌‌وه ئه‌مه‌شیان هه‌ر جۆرێكه له ناپاكی, چونكه خیانه‌ت سه‌ره‌تا هه‌ر له زه‌رده‌خه‌نه‌‌و نیگا گۆڕینه‌‌وه‌‌وه ده‌ست پێده‌كات.
له‌م سه‌رده‌مه‌ی ئه‌مڕۆدا ته‌كنه‌لۆژیا پێشكه‌‌وتووه‌‌و كه‌سانی نه‌فس نزمیش ئه‌م پێشكه‌‌وتنه‌یان به‌شێوه‌یه‌كی نه‌شیا‌و قۆستۆته‌‌وه‌‌و به‌كاریان هێنا‌وه له‌‌وانه مۆبایل‌و ئه‌نته‌رنێت.
زۆر جار ده‌بیستین ژن یان پیا‌و له‌نێو ماڵی خۆیدا بێ بینینی ڕه‌گه‌زی به‌رامبه‌ر په‌یوه‌ندی سۆزداری ناشه‌رعی ده‌به‌ستێ‌‌و ئه‌نجامه‌كه‌شی به كاره‌سات‌و ڕودا‌وی دڵته‌زێن‌و كوشتن دێت.
له‌ڕێگای ئه‌‌و ئامێرانه‌‌وه دوور له هه‌ست كردن به مه‌سئولیه‌تی ماڵ‌و خێزان قسه‌ی ورژێنه‌ر‌و نا ئه‌خلاقی ده‌گۆرنه‌‌وه‌‌و په‌رده‌ی شه‌رمیش وه‌لا ده‌نێن‌و تا وایان لێدێت بگاته ئاستی دیدار‌و دواتریش سه‌رجێیی كردن دوور له داب‌و نه‌ریتی ئیسلام‌و كۆمه‌ڵگا.
ده‌بێ ئه‌‌وه‌ش له‌یاد نه‌كه‌ین كه خۆشه‌‌ویستی‌و گه‌ڕان‌و دانیشتنی دوو قۆڵی پێش گرێبه‌ستی ها‌وسه‌ری هه‌ر ده‌چێته بازنه‌ی خیانه‌ته‌‌وه, چونكه ئه‌م جۆره خۆشه‌‌ویستیه به‌هیچ جۆرێك لهڕوانگهی ئیسلامه‌‌وه ڕێگه‌ی پێنه‌درا‌وه‌‌و ناشه‌رعیه.
ئینسان هه‌ر به ته‌ماشاكردنێكی حه‌ڕام چ كچ بۆ كوڕ چ كوڕ بۆ كچ تا‌وانبار ده‌بێ, چونكه ئه‌‌و چا‌وه ڕا‌وی كه‌سه‌كه ده‌كا‌و له‌ئه‌نجامدا ده‌بێته نێچیری‌و ده‌یگرێ, بێ حیكمه‌تیش نیه كه پێغه‌مبه‌ر(ص) ده‌فه‌رمووێ: (إیاكم والدخول علی النسا‌ءِ) واته: خۆتان بپارێزن له‌دانیشتنی دوو قۆڵی.. به‌ته‌نها كچ‌و كوڕ پێكه‌‌وه, چونكه شه‌یتان سێهه‌میانه‌‌و تامی گوناهو تا‌وانیان له‌لا شیرین ده‌كا‌و توشی فیتنه‌یان ده‌كا‌و نه‌فس‌و ده‌ر‌ونیان یان غه‌ریزه‌ی جنسیان ده‌بز‌وێنێ‌‌و هه‌ردوولا گیرۆده‌ی سه‌رپێچی‌و تا‌وان ده‌كا.
هه‌ر له‌به‌ر ئه‌‌وه‌شه خوای گه‌‌وره ئه‌م ده‌رگایه‌ی داخستووه‌‌و ڕێگه‌ی پێ نه‌دا‌وه, بۆیه ده‌ربڕینی هه‌ستی خۆشه‌‌ویستی‌و قسه‌ی نه‌رم ده‌كه‌وێته خانه‌ی خیانه‌ته‌‌وه, خوای گه‌‌وره له‌قوڕئاندا ده‌فه‌رمووێ: (فلا تخضعن بالقول), واته: به‌شێوه‌یه‌كی وا دڵان بێنێته جۆش‌و به له‌نجه‌‌و لاره‌‌وه قسه له‌گه‌ڵ پیا‌واندا مه‌كه‌ن به‌تایبه‌تی كه‌سانی نامه‌حڕه‌م.
چونكه ئافره‌ت نابێ به‌‌وته‌ی یان به هه‌ڵسوكه‌‌وتی غه‌ریزه‌ی گه‌نج‌و پیا‌و بجوڵێنێ, به‌پێچه‌‌وانه‌‌وه‌ش پیا‌و‌و گه‌نجیش نابێ به قسه‌ی بریقه‌دار‌و لوس‌و به‌هه‌ڵسوكه‌‌وتی غه‌ریزه‌ی ئافره‌ت بجوڵێنێ‌‌و توشی لادان‌و خیانه‌تی بكات.
زۆر جاران به‌هۆی خۆشه‌‌ویستی ناشه‌رعی یان پێش گرێبه‌ستی ها‌وسه‌ری كچ‌و كوڕ كه‌‌وتونه‌ته هه‌ڵه‌‌و تا‌وانی گه‌‌وره‌‌وه ڕودا‌وی ترسناكی به‌دوای خۆیدا هێنا‌وه به‌هۆی ئه‌م خیانه‌ته‌‌وه, كهواته خۆشه‌‌ویستان عه‌شق‌و خۆشه‌‌ویستی ئه‌‌و ئاگره به‌تینه‌یه, كه نه‌ك هه‌ر شاڵا‌و بۆ دوو كه‌سه خۆشه‌‌ویسته‌كه دێنێ‌‌و ده‌یان سوتێتێ له‌‌وانه‌یه چه‌ندین كه‌سی بێ تا‌وان به‌هۆیانه‌‌وه بسوتێ.
كهواته خۆپاراستن له چاره‌سه‌ر باشتره, یان ئه‌‌وه‌تا ده‌بێ بۆ خۆشیه‌كی كه‌می دونیا تاڵا‌وی ناخۆشیه‌كانی دواڕۆژ بچێژی, كهواته خیانه‌تی ها‌وسه‌ری تا‌وانێكی ئه‌‌وه‌نده گه‌‌وره‌یه به‌هیچ ئا‌وێكی سازگاری ئه‌م دونیایه له‌م ناپاكیه پاك نابیته‌‌وه. | 