ئەمڕۆ 22ی9ی2024 بەرێز د.عبداللە مەلا وەیسی سەرۆکی یەکێتی زانایان بە ئامادەیی ژمارەیەک لە ئەندامانی مەکتەبی تەنفیزی یەکێتی زانایان پێشوازیيان لە بەرێزان مەتران بەشار وەردە و مەتران داود و مەتران نزار و کاک خالد ئەلبێر بەرێوەبەری گشتی کاروباری مەسیحیەکان و ئەمیل استفیان راوێژکاری وەزارەت بۆ کاروباری کریستیانەکان کرد.

 شاندەکە بەمەبەستی پیرۆزبایی کردن بۆنەی ٥٤ھەمین ساڵیادی دامەزراندنی یەکێتی زانایانی ئایینی ئیسلامی کوردستان و دەستخۆشی لە کارو چالاکیەکانی یەکێتی زانایان هاتبوون و تەئکید لە هەماهەنگی نێوان هەردوولا کرایەوە.

شایەنی باسە ئەو جۆرەسەردانانە، کە لەنێوان پێکهاتەکان و ئایینە جیاوازەکانی کوردستان هەیە، دووپاتی ئەو پێکەوەژیانەیە، کە لە هەرێمی کوردستان پەیڕەو دەکرێ.