له به‌یاننامه‌یه‌كدا، كه به‌بۆنه‌ی رۆژی نه‌هێشتنی ماده هۆشبه‌ره‌كان ده‌ری كردووه، یه‌كێتی زانایان داوا له هاووڵاتیانی كوردستان ده‌كات، كه پێویسته هه‌موومان یه‌ك ده‌ست كار بۆ وشیاركردنه‌وه‌ی هاووڵاتیانمان‌و، به‌تایبه‌تیش گه‌نج‌و لاوه‌كانمان بكه‌ین، بۆ ئه‌وه‌ی هه‌موومان هاوكاری دام‌و ده‌زگاكانی حكومه‌ت بین، هه‌م بۆ رێگه لێگرتنی هه‌م بۆ ئاگاداركردنه‌وه‌یان له هه‌ر كه‌سێك، كه به‌كاری بێنیت، یان بازرگانی پێوه بكات، كه ئه‌مه‌ش سه‌رباری ئه‌ركه نیشتیمانی‌و نه‌ته‌وه‌ییه‌كه ئه‌ركێكی ئایینیشیه.
هه‌روه‌ها داوا له په‌رله‌مانی كوردستان ده‌كه‌ن به یاسای نه‌هێشتنی ماده هۆشبه‌ره‌كان دابچنه‌وه‌‌و، به یه‌كێك له بابه‌ته هه‌ره پێویسته‌كانی بزانن، به‌تایبه‌تیش كه به فیعلی ده‌ركه‌وتووه كه خه‌ڵكانێك له كوردستان گیرۆده‌ی بوونه، بۆ ئه‌وه‌ی ئێستا پێشی لێ بگیرێت، نه‌ك كه كار له ده‌ست بچێته ده‌ر ئینجا قسه‌ی له‌سه‌ر بكرێت.
هه‌روه‌ها به پێویستی ده‌زانین هه‌ر به‌م بۆنه‌وه داوا بكه‌ین سنوورێك بۆ به‌كارهێنان‌و خواردنه‌وه‌‌و فرۆشتنی ماده كحولیه‌كان دابندرێت.
ده‌قی به‌یاننامه‌كه له به‌شی به‌یاننامه بخوێنه‌وه.
| 
