سه‌رچاوه‌یه‌كی ئه‌منی ئێراقی رایگه‌یاند: رۆژی شه‌ممه 3/7/2010 كه سه‌رۆكی دیوانی وه‌قفی سوننی له به‌غدا عه‌بدولعه‌لیم سه‌عدی‌و موفتی پارێزگای ئه‌نبار تیرۆر كرا.
تیرۆركردنه‌كه به شێوه‌یه‌ك بوو، كه چه‌ند كه‌سێك به ئۆتۆمبێلێكی مه‌ده‌نی ده‌چنه پێش ده‌رگای ماڵیان‌و، به كوڕه‌كه‌ی ده‌ڵێن: به باوكت بڵێ بێته ده‌ره‌وه كارمان پێی هه‌یه‌تی، كاتێك دكتۆر عه‌بدولعه‌لیم سه‌عدی دێته ده‌ره‌وه یه‌كسه‌ر به چه‌كی بێ ده‌نگ شه‌هیدی ده‌كه‌ن، شێخ عه‌بدولعه‌لیم كه‌سایه‌تیه‌كی دیاری ئێراقه‌‌و، له خانه‌واده‌یه‌كی ناسراوی زانستخوازی ئایینین له‌سه‌ر ئاستی ئێراق‌و، له ته‌مه‌نی (62) ساڵی تیرۆر كرا.
سه‌رچاوه‌كانی هه‌واڵ ئاماژه بۆ ئه‌وه ده‌كه‌ن، كه لێدوانه‌كانی ئه‌م دواییانه‌ی سه‌عدی له پاڵ تیرۆركردنی بووه، كه پێش چه‌ند رۆژێك فه‌توای ئه‌وه‌ی دابوو، كه تیرۆركردنی خه‌ڵكی ئێراقی تاوانه، به‌تایبه‌تیش له‌شكر‌و پۆلیس، كه له‌سه‌ر ئه‌وه چه‌ند جار هه‌ڕه‌شه‌ی لێكرا.
به هه‌زاران هاووڵاتی پشكداری له ناشتنی ته‌رمی سه‌عدی كرد‌و، به تووندی ئیدانه‌ی تیرۆریستان‌و ئه‌نجامده‌رانی ئه‌و كاره‌یان كرد، له هه‌مان كاتیشدا ره‌خنه‌یان له ده‌زگا ئه‌منیه‌كان گرت، كه له‌و باره‌وه كه‌مته‌رخه‌م بوونه.
له‌و باره‌وه یه‌كێتی زانایان له به‌یاننامه‌یه‌كدا ئیدانه‌ی تیرۆركردنی ناوبراو ده‌كات‌و، له هه‌مان كاتیشدا پرسه‌‌و سه‌ره‌خۆشی له خانه‌واده‌ی ناوبراو ده‌كات.
ده‌قی به‌یاننامه‌كه له به‌شی به‌یاننامه به درێژی بخوێنه‌وه.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
