ئه‌مڕۆ یه‌كشه‌ممه رێكه‌وتی 31/1/2011 شاندێكی مامۆستایانی ئاینی شاری دیاربه‌كر، كه پێكهاتبوو له به‌ڕێزان: سه‌یدا مه‌لا سه‌یفه‌ددین تونج‌و، سه‌یدا مه‌لا موحه‌ممه‌د سه‌دیق ئاتێ‌‌و، سه‌یدا مه‌لا حه‌بیب مه‌چن، به مه‌به‌ستی به سه‌ركردنه‌وه‌و ئاشنابوون له‌گه‌ڵ زانایانی هه‌رێم‌و توندوتۆڵكردنی په‌یوه‌ندیه‌كان، سه‌ردانی مه‌كته‌بی ته‌نفیزی یه‌كێتی زانایانیان كردو، به گه‌رمی له لایه‌ن به‌ڕێزان مامۆستا مه‌لا عه‌بدوڵڵا مه‌لا سه‌عید گرتكی سه‌رۆكی یه‌كێتی زانایان‌و، ئه‌ندامانی مه‌كته‌بی ته‌نفیزی پێشوازیان لێكرا.
ئه‌مه‌و له دانیشتنێكدا كه نزیكه‌ی كاتژمێرێكی خایاند، به‌ڕێز سه‌رۆكی یه‌كێتی زانایان دوای به‌خێرهێنان، باسی له كارو چاڵاكی‌و شێوازی كاركردنی یه‌كێتی زانایان كردو،ئاماژه‌ی به‌گرنگی یه‌كده‌نگی زانایان كرد، كه له ژێر چه‌تری یه‌كێتی زانایاندا دروست بووه.
له لایه‌ن خۆیانه‌وه شاندی میوان خۆشحاڵی خۆیان نیشاندا له به‌رامبه‌ر ئه‌و دۆخه‌ی كه ئێستا زانایانی ئاینی كوردستان تیایدان له سایه‌ی حكومه‌تی هه‌رێم‌و به‌تایبه‌تیش وه‌زاره‌تی ئه‌وقاف‌و یه‌كێتی زانایان.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
