مه‌لا ره‌سول سیتكانی، راگه‌یاندنی لق:
به ئاماده‌بوونی زانایان‌و ده‌زگا راگه‌یاندنه‌كانی ده‌ڤه‌ره‌كه سه‌ر له‌به‌یانی رۆژی 3/2/2011 چوارشه‌ممه ئه‌وقافی سۆران‌و لقی سۆرانی یه‌كێتی زانایان، كۆبوونه‌وه‌یه‌كی فراوانی بۆقایمقامی قه‌زای سۆران به‌رێز كاك كرمانج عیزه‌ت له‌هۆلی ئه‌وقافی سۆران رێكخست.
سه‌ره‌تای كۆبونه‌وه‌كه به‌رێز مه‌لا وه‌یسی مه‌لاسه‌عید به‌رێوه‌به‌ری ئه‌وقافی سۆران‌و كارگێری لقی سۆرانی یه‌كێتی زانایان، له وته‌یه‌كیدا وێرای به‌خێرهێنانی قایمقام، ئامانج‌و مه‌به‌ستی كۆبونه‌وه‌كه‌ی بۆ ئاماده‌بوان رونكرده‌وه‌و به پێویستی زانی ناوه ناوه دانیشتنی له‌وجۆره سازبكرێن بۆئه‌وه‌ی له‌نزیكه‌وه مامۆستایانی ئاینی ئاگاداری روداووپێشهاته‌كانی كوردستان‌و ناوچه‌كه‌بن‌و، رۆلی زانایان‌و وتاربێژانی ده‌ڤه‌ره‌كه‌ی له‌مه‌ڕ دلسۆزی و په‌رۆشیان بۆنیشتمان به‌رزنرخاند.
دواتر به‌رێز كرمانج عیزه‌ت قایمقامی قه‌زای سۆران وێڕای ده‌ربڕینی خۆشحاڵی بۆ ئه‌وكۆبونه‌وه‌یه له‌گه‌ڵ زانایانی ده‌ڤه‌ره‌كه‌و هه‌ڵسه‌نگاندنی رۆل وچاَلاكیان به‌بایه‌خه‌وه، دوا گۆرانكاری‌و روداوه‌كانی رۆژهه‌ڵاتی ناوین‌و هه‌ژانی شه‌قامی هه‌ندێ له ۆلاتانی ناوچه‌كه‌ی شیكرده‌وه.
دواتر ئاماژه‌ی به بارودۆخی ئه‌مڕۆی كوردستان كردو، راشكاوانه هه‌ڵوه‌سته‌ی له‌سه‌ر چه‌ند خالێك كرد، كه گرنگترینیان پاراستنی ئه‌من وئارامی كوردستان‌و ناوچه‌كه‌بوو. بۆئه‌م مه‌به‌سته‌ش رونیكرده‌وه: كه خه‌لكانێك به‌داخه‌وه ده‌یانه‌وێ به‌راوردی كوردستان‌و وڵاتانی تونس‌و میسربكه‌ن‌و، ئه‌و ده‌سكه‌وتانه‌ی كه به ماندووبونێكی زۆرو ده‌ریایه‌ك خوێن له‌كوردستان به‌ده‌ست هاتوون، به هاندانی شه‌قامی كوردی له‌ناوی به‌رن وخاپوری بكه‌ن .
هه‌ر له میانه‌ی قسه‌كانیدا قایمقام جه‌ختی له‌سه‌ر ئه‌وه‌كرده‌وه: كه‌ده‌بێت هه‌موولایه‌كمان به بیروبۆچوونه جیاوازه‌كانیشه‌وه هه‌وڵبده‌ین په‌شێوی‌و نائارامی و دڵه‌راوكێ له وڵاته‌كه‌مان نه‌هێلین و بنبڕبكه‌ین‌و، به هه‌موولایه‌كمان كه‌دان به‌وه‌ده‌نێین كه‌م‌وكورتی مان هه‌یه چاره‌سه‌ریان بكه‌ین و، خزمه‌ت به‌خه‌ڵكی خۆمان بكه‌ین‌و، حكومه‌ت به‌حكومه‌تی خۆمان بزانین وكه‌م وكورتیه‌كانیشی نه‌هێلین.
پاشان چه‌ندین تێبینی وپێشنیاری به‌جێ له‌لایه‌ن زانایانه‌وه سه‌باره‌ت به‌روداوه‌كانی گۆره‌پانی سیاسی ئه‌مڕۆی كوردستان‌و، كاره خزمه‌تگوزاریه‌كانی ده‌ڤه‌ره‌كه پێشكه‌ش به‌قایمقام كران‌و، ئه‌ویش له‌لایه‌ن خۆیه‌وه به‌خۆشحاڵیه‌وه وه‌ڵامی دانه‌وه‌و، كۆتایی به‌كۆبوونه‌وه‌كه هات.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
