یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   پیرۆزبایی یه‌كێتی زانایان به‌بۆنه‌ی مانگی مه‌ولود    *****    *****   سه‌رۆكى يه‌كێتى زانايان: به‌درێژايى مێژوو؛ حوجره‌ و مه‌دره‌سه‌ ئاينيه‌كانى كوردستان مه‌ڵبه‌ندى ديندارى و هيممه‌تبه‌رزى و پاراستنى مۆركى نه‌ته‌وه‌يى بووه‌    *****    *****   حوكمی مادده‌ هۆشبه‌ره‌كان له‌ شه‌ريعه‌تى ئيسلامدا    *****    *****   ئه‌نجومه‌نى ناوه‌ندى یه‌كێتى زانایان؛ كۆبونه‌وه‌يه‌كى نائاسايى ئه‌نجامده‌دات    *****    *****   زانايانى ئاينى ئيسلامى كوردستان گردبوونه‌وه‌يه‌ك ئه‌نجامده‌ده‌ن    *****    *****   روونكرنه‌وه‌ی یه‌كێتی زانایان ده‌رباره‌ی دۆخی كه‌ركوك    *****    *****   سه‌رۆكى يه‌كێتى زانايان؛ پێشوازى له‌ به‌ڕێوه‌به‌رى وه‌قفى سوننى موسڵ ده‌كات    *****    *****   شێخ تاريق ئه‌لسوێدان: كورد؛ گه‌لێكى سته‌مديده‌يه‌ و سه‌پاندنى ئابڵوقه‌ى ئابوورى به‌سه‌ريانه‌وه‌ جائيز نيه‌    *****    *****   پرسه‌نامه‌ی یه‌کێتی زانایان بۆ وه‌فاتی مام جه‌لال    *****    *****   یه‌كێتی زانایان وه‌ڵامی به‌یاننامه‌كه‌ی ئه‌زهه‌ر ده‌داته‌وه‌    *****    *****   سه‌رۆکی یه‌كێتی زانایان به‌ توندی وه‌ڵامی وتاربێژی مزگه‌وتی تاران ده‌داته‌وه‌‌   
سه‌رۆكى يه‌كێتى زانايان: به‌درێژايى مێژوو؛ حوجره‌ و مه‌دره‌سه‌ ئاينيه‌كانى كوردستان مه‌ڵبه‌ندى ديندارى و هيممه‌تبه‌رزى و پاراستنى مۆركى نه‌ته‌وه‌يى بووه‌
به‌رواری دابه‌زاندن: 04/11/2017 : 22:04:50
قه‌باره‌ی فۆنت

ئەمرۆ شەممە 4/11/2017 له‌ گوندى زياره‌تى ده‌ڤه‌رى خۆشناوه‌تى، به‌ ئاماده‌بوونى ژماره‌يه‌كى به‌رچاو له‌ مامۆستايانى ئايينى و كه‌سايه‌تى و به‌رپرسانى حيزبى و حكومى و خه‌ڵكى ناوچه‌كه‌، له‌ مه‌ڕاسيمێكى شايسته‌دا؛ ڕێوڕه‌سمى به‌خشينى بڕوانامه‌ى زانستى شه‌رعى به‌ڕێوه‌چوو بۆ هه‌ريه‌ك له‌به‌ڕێزان: مامۆستا مەلا سەهل هاوار باوەخەلی و مامۆستا مەلا سه‌فوان نه‌زیر کەنده‌گولی، كه‌ له‌لايه‌ن مامۆستای ئیجازەدەر مامۆستا مه‌لا محمد هەروتی بڕوانامه‌يان پێ به‌خشرا.


ئه‌مه‌و مه‌ڕاسيمه‌كه‌ به‌ خوێندنه‌وه‌ى چەند ئایەتێک لە قورئانی پیرۆز ده‌ستى پێكرد، دواتر وتەی بەخێرهێنان لەلایەن مامۆستای ئیجازەدەر پیشکەشکرا، پاشان وتاری زانایان لەلایەن به‌ڕێز دكتۆر عبدالله گرتكى سەرۆکى يه‌كێتى زانايان خوێندرایەوە؛ تيايدا  تیشکی خستە سەر گرنگى فێربوون و گه‌ياندنى زانستى شه‌رعى و هه‌وڵى زانايانى ئايينى له‌كۆن و نوێدا له‌ پێناويدا به‌رزنرخاند و جه‌ختى كرده‌وه‌ كه‌ به‌درێژايى مێژوو؛ به‌هه‌وڵ و هيممه‌تى زانايانى ئايينى كوردستان؛ حوجره‌ و مه‌دره‌سه‌ ئاينيه‌كانى كوردستان مه‌ڵبه‌ندى ديندارى و هيممه‌تبه‌رزى و پاراستنى مۆركى نه‌ته‌وه‌يى بووه‌.


له‌به‌شێكى ديكه‌ى وته‌كانيدا به‌ڕێز سه‌رۆكى يه‌كێتى زانايان باسى لەو هەرەشانە كرد كه‌ له‌ ئێستادا لە کوردستان دەکرێت و يه‌كده‌نگى و يه‌كڕيزى زانايانى ئايينى به‌تايبه‌ت له‌م ڕووه‌وه‌ به‌ گرنگ پێناسه‌كرد، هەروەک دەست خۆشیشی لە گوندی زیارەت و مەدرەسەی شێخ قاسم زیارەتی کرد، کە شوێنی مامۆستا مه‌لا قاسم، دواى وه‌فاتكردنى چۆڵ نەبووەو تەدریسی زانسته‌شه‌رعيه‌كانى تێدا دەکریت.


پاشان وتاری وەزارەتی ئەوقاف لەلایەن مامۆستا مه‌لا سه‌يد صدیق کەپرانی خوێندرایەوە، دواتر بەچەند سروودو پەخشانێک کۆتایی بە ئاهه‌نگەکە هات، کە بووە مایەی خۆشحالی ئاماده‌بووان.