|
یه‌كێتی زانایانی ئایینی ئیسلامی كوردستان
رێكخراوێكی پیشه‌یی تایبه‌ت به كاروباری زانایانی ئایینی كوردستانه، باره‌گای سه‌ره‌کی له هه‌ولێره، بۆ یه‌كه‌مجار له رۆژی (21/9/1970) له گه‌ڵاڵه‌ی ناوچه‌ی باڵه‌كایه‌تی سه‌ر به پارێزگای هه‌ولێر به چاودێری‌و ئاماده‌بوونی مه‌لا مسته‌فای بارزانی دامه‌زراوه.
هه‌یكه‌لی یه‌كێتی زانایان له‌م به‌شانه پێك دێت: 1/ مه‌كته‌بی ته‌نفیزی. 2/ ئه‌نجومه‌نی ناوه‌ندی. 3/ لق. 4/ ناوچه.
تا ئێستا شه‌ش كۆنگره‌ی ئه‌نجام داوه. 17 لقی له سه‌رتاسه‌ری هه‌رێمی كوردستان هه‌یه. به‌شێكی تایبه‌ت به فه‌تواشی هه‌یه به‌ناوی (فه‌توا) كه پێكهاتووه له ئه‌نجومه‌نی باڵای فه‌توا، كه له مه‌كته‌بی ته‌نفیزی یه‌كێتی زانایان داده‌نیشن، له‌گه‌ڵ ئه‌وه‌شدا له سه‌رجه‌م لقه‌كانی لێژنه‌ی فه‌توایان هه‌یه. یه‌كێتی زانایان خاوه‌نی پۆلێك شه‌هید‌و قوربانییه، که هه‌ندێکیان شه‌هیدی پێشمه‌رگایه‌تی و هه‌ندێکیان شه‌هیدی تیرۆرن. له هه‌ر سێ بواری ئایینی‌و نه‌ته‌وه‌یی‌و پیشه‌یی كار ده‌كات. بواری ئایینی تایبه‌ته به ئایینی پیرۆزی ئیسلام، له بواری نه‌ته‌وه‌ییش وه‌ك هه‌میشه له‌گه‌ڵ خۆشی‌و ناخۆشیه‌كانی گه‌له‌كه‌ی ده‌بێت، له بواری پیشه‌ییش پارێزگاری له مافه‌كانی زانایانی ئایینی ده‌كات. |
