پزیشكانی ئیسپانی هۆشداریاندا سه‌باره‌ت به مه‌ترسی ئه‌و دایكه شیرده‌رانه‌ی، كه هه‌ندێ ده‌رمانی ترسناك‌و یان مادده هۆشبه‌ره‌كان به‌كار ده‌هێنن، زیانه‌كانی له‌كاتی پێدانی شیر له دایكه‌وه ده‌گوازرێنه‌وه بۆ منداڵی شیره‌خۆره.
ئه‌مه‌ش دوای ئه‌وه هات، كه پزیشكانی وڵاتی ئیسپانیا له هه‌ڵمه‌تێكی وشیاركردنه‌وه‌ی نیشتمانی گشتیدا، لێكۆڵینه‌وه‌یه‌كی تایبه‌ت به زیانی مادده هۆشبه‌ره‌كان له‌سه‌ر ته‌ندروستی منداڵان ئه‌نجام داوه‌و، به پێی ئه‌و لێكۆڵینه‌وه‌ش ده‌ركه‌وتووه، كه ئه‌و دایكانه‌ی به‌كارهێنه‌ری هۆشبه‌ره‌كانن، تووشی هه‌ر زیانێك هاتبن هه‌مان زیان ده‌گاته كۆپه‌یه‌شی كه شیره‌خۆره بێت.
له‌و لێكۆڵینه‌وه‌دا هۆشداریشیان داوه به هه‌موو ئه‌و دایكانه، كه به هیچ شێوه‌یه‌ك هۆشبه‌ره‌كانی وه‌ك كۆكایین‌و هیرۆین به‌كارنه‌هێنن، چونكه زۆرترین زیان به ته‌ندروستی منداڵ ده‌گه‌یه‌نێت، هه‌روه‌ها ئه‌وه‌شی باس كردووه، كه نابێ مادده كحولی‌و ته‌نانه‌ت جگه‌ره‌ش به‌كار بێنن، ئه‌گه‌ر بیانه‌وێ به شێوه‌یه‌كی ته‌ندروست مناڵه‌كانیان په‌روه‌رده بكه‌ن،.
دكتۆر (ئۆسكار غارسیا)، كه پزیشكێكی به‌ناوبانگی نه‌خۆشخانه‌ی (دل مار)ه، ئه‌و زانیاریه‌ی پشت راست كردۆته‌وه‌‌و پێی وایه هۆشبه‌ره‌كان كاریگه‌ری زۆر خراپیان بۆ منداڵ هه‌یه، چونكه له ڕێی پێدانی شیر هه‌موو زیانه‌كان ده‌گوازرێنه‌وه‌‌و مه‌ترسی زۆریشیان له‌سه‌ر ژیان‌و ئاینده‌یان ده‌بێت.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
