راگه‌هاندن:
ل روژا پێنجشه‌مبی رێكه‌فتی 7/7/2011 ل باره‌گایێ لقێ دهوك یێ ئێكه‌تیا زانایێن ئایینێ ئیسلامێ كوردستانێ، ئو ب ئاماده‌بونا به‌رێزان ( قادر قاچاخ) ئه‌ندامێ ئه‌نجومه‌نێ سه‌ركردایه‌تیا پارتی دیموكراتی كوردستان و ( سلام حمید ) به‌رپرسێ لێژنا ئاشتی یا پارتی،و ( د. حمید باڤی) ئه‌ندامێ په‌رله‌مانێ عیراقا فیدرال‌و، به‌رپرسێ سه‌نته‌رێ (پێشكه‌فت) یێ ره‌وشه‌نبیری و، به‌ڕێز( مه‌لا ئه‌نه‌س مه‌لا محمد شه‌ریف ) به‌رپرسێ لقێ دهوك یێ ئێكه‌تیا زانایێن ئایینێ ئیسلامی، دگه‌ل ستافێ لقێ و، ژماره‌ك ژ ماموستایێن ئایینێ ئیسلامێ رێوره‌سمێن ده‌رچوونا ئاهه‌نگا خه‌لاتكرنا وان ( 22 )ماموستایێن ئایینێ هاته گێران، ئه‌ڤێن بو ماوێ حه‌فتی یه‌كێ به‌ژداری دخولا كومبیوته‌ری دا كری، ئه‌ڤا ل سه‌نته‌رێ پێشكه‌فتن یێ ره‌وشه‌نبیری هاتیه ئه‌نجام دان.
ل ده‌ست پێكی خوله‌كه‌ك راوستیان وه‌ك رێزگرتن ل سه‌ر گیانێ پاكێ شه‌هیدێن كوردستانێ ودگه‌ل خاندنا سوره تا فاتیحێ و، پاشی به‌رێز ( قادر قاچاغ) ئه‌ندامێ ئه‌نجوومه‌نێ سه‌ركردایه‌تیا پارتی دیموكراتی كوردستان، په‌یڤه‌ك پێشكێش كر و، سوباسی و ده‌ست خوشی ل لقێ دهوك كر بو ئه‌نجام دانا ڤان چالاكیان، دیسان به‌حسێ خه‌بات و خزمه‌تا ماموستایێن ئایینێ ئیسلامێ یێ پیروزكر.
لدویڤدا په‌یڤه‌ك ژلایێ به‌رپرسێ سه‌نته‌رێ پێشكه‌فتن هاته خاندن و، تێدا به‌رهه‌ڤیا خو دیاركر بو خزمه‌تا ماموستایێن ئایینێ ئیسلامێ یێ پیروز، و پاشی په‌یڤه‌ك ژلایێ به‌ڕێز به‌رپرسێ لقێ دهوك، ڤه هاته خاندن و، تێدا به‌حسێ رولێ زانایان هاته‌كرن و، گۆت: فه‌ره ئه‌ڤرۆكه زانایێن ئایینی شاره‌زایی هه‌بیت د ته‌كنولوژیا نوكه دا، دابشێن پتر خزمه‌تا ڤی ئایینێ پیروز بكه‌ن.
ل دوماهیكێ خه‌لات ب سه‌روان ماموستایێن به‌ژداری كری دخولێ دا هاتنه به‌لاف كرن.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
