ل روژا شه‌مبی رێكه‌فتی 24/12/2011 بئاماده‌بونا به‌ر ێز ( مسعود بارزانی ) سه‌روكێ هه‌رێما كوردستانێ ،وبئاماده‌بونا وه‌زیرێ ناوخو به‌رێز (كریم شنگالی ) و پارێزگه‌رێ دهوكێ به‌رێز ( تمر ره‌مه‌زان ) و بئاماده‌بونا رێڤه‌به‌ریێت ئه‌وقافێ ( دهوك – زاخو – ئاكرێ ) وهه‌ر چار لقێت ئێكه‌تیا زانایێن ئایینێ ئیسلامێ( لقا دهوك- لقا زاخو – لقا شیخان – لقا ئاكرێ ) ل هولا كونگرا ل زانكویا دهوكێ، ل ده‌م ژمێر (10 ) سپێدێ كومبونه‌كا ڤه‌كری بو هه‌می ماموستایێت ئایینێ ئیسلامێ‌ِ ل پارێزگه‌ها دهوكێ گرێدا، دڤێ كومبونێ دا پتر ژ ( 800 ) هه‌شت صه‌د ماموستایێت ئایینێ ئیسلامێ ل سه‌رانسه‌ری پارێزگه‌ها دهوكێ تێدائاماده بون ، پشتی بخێرهاتنا جه‌نابێ سه‌روكێ هه‌رێمێ هاتیه كرن ژلایێ رێڤه‌به‌رێ ئه‌وقافا دهوكێ ڤه به‌رێز ( نصرت بادی ) داخاز ژجه‌نابێ سه‌روكی هاته‌كرن په‌یڤا خو پێشكێش كه‌ت، سه‌روكێ هه‌رێما كوردستانێ به‌رێز( مسعود بارزانی ) ل ده‌ست پێكێ خوشحالیا خوده‌ربری ژبو ئاماده‌بونا ماموستایێت ئایینی، هه‌ژی یه بێژین به‌رێزی رولێ ماموستایێت ئایینێ ئیسلامێ به‌رز نرخاندو دادیاركرن كو ئه‌ف شوره‌شا مه‌زنا گه‌لێ كورد ل سه‌ر ده‌ستێت شێخو سه‌یدو ماموستایێت ئایینی بویه و هه‌رده‌م مل بمل بزاڤ و كاركریه دهه‌می قوناغێت نه‌خوشو مه‌ترسیدار دا ژبو رزگاركرنا ڤی ملله‌تی،ودیسان دا دیاركرن كو كێشا ڤی ملله‌تی چ جاران كێشا ئایینی نه‌بویه وملله‌ته‌كێ موسلمان بویه ، هه‌ردیسان ته‌كه‌ز ل سه‌ر پێكڤه ژیانا براینیێ كر بهه‌می ئولو نه‌ته‌وان ڤه، و به‌رده‌وامی دایه ڤێ براینیێ ، و پێكڤه كاركریه ژبو ئاڤاكرنا ڤی ملله‌تی بئاشتی خازانه وتانوكه یابه‌رده‌وامه ، له‌ورا دڤێت هه‌ر كه‌س ژلایێ خو ئو ماموستایێ ئایینی بتایبه‌ت كاربكه‌ت بو پارستنا كیانێ ئاشتی و برایینی و پێكڤه ژیانێ، و پاراستنا مافێت تاكه كه‌سی و كومه‌لی ، هه‌ردیسان به‌رێزی به‌حسێ بارودوخێ عیراقێ كر بگشتی وكوردستانێ بتایبه‌ت،ودیسان به‌رێزی دلگرانیا خو ده‌ربری ژبو وان ریدانێن ده‌ڤه‌را بادینان وبكاره‌كێ خراپ وه‌سفكر ، و گوت نابیت مزگه‌فت ببنه جهێ تحریز كرنا خه‌لكه‌كی . ونابیت چ ماموستایێت ئایینی فه‌توا نه‌درست بده‌ن، كو ئه‌ف چه‌نده ببیته ئاوه‌یه‌ك ژبو تێكدانا ره‌وشا ئێمناهیا ده‌ڤه‌رێ ،ودڤێت مزگه‌فت هه‌رده‌م ببنه جهێ شیره‌تێ وبه‌لافكرنا رێنمایێت ئیسلامێ بره‌نگه‌كێ درست، و ه‌دیسان ژبو نه‌هێلانا هه‌ركاره‌كێ نه‌شه‌رعێ رێكێت دی هه‌نه ژبو چاره‌سه‌ركرنا ڤان كێشێت دبنه جهێ دل گرانیا خه‌لكی برێكێت یاسایی بن نه‌ك بخرابكرن و سوتاندنا سامانێ خه‌لكه‌كی، وه‌كی چه‌وا ل باژێرێ زاخو هاتیه ریدان ، دیسان دادیاركرن كو خو پێشاندان مافێ هاولاتیانه به‌لام برێكا سلمیبت و لژێر چارچوڤێ یاسایی بیت، هه‌ردیسان گه‌له‌ك شیره‌ت و ئاموژگاری یێت جودا ژلایێ ویڤه هاتننه به‌حسكرن، ل دوماهیێ ده‌رفه‌ت بو ئاماده‌بویا هاته‌دان ژبو گوهداری كرنا پرسیارو پێشنیارو ره‌خنێت ماموستایان ل ده‌ست پێكێ به‌رێز( ملا انس محمد شریف )به‌رپرسێ لقا دهوكێ یازانایان سوزدا جه‌نابێ سه‌روكێ كو ئه‌م وه‌ك ماموستایێت ئایینی كاربكه‌ین ژبو پاراستنا ڤێ ئه‌زموونێ وگوت: ئه‌گه‌ر مه‌زن وزانا باشببن هه‌می خه‌لك دێ باشبن و ئه‌گه‌ر خراب ببن هه‌می خه‌لك خرابدبن، له‌ورا دڤێت ئه‌م ماموستایێت ئایینی نمونا باش بن ،دیسان داخاز ژجه‌نابێ سه‌روكی كر خه‌ونا ده‌وله‌ت بونێ بینته دی، هه‌ردیسان ده‌رفه‌ت بو ماموستا ( ملا ناصح ملا محمد شریف ) ئه‌ندامێ لژنا بدیع الزمان ل دهوكێ هاته‌دان و گوت: بلا ئه‌م باش بزانین كورولێ ماموستایێ ئایینێ ل ده‌ڤه‌را بادینان گه‌له‌ك به‌رچاڤ و باش بویه ژبو ئیمناكرنا خه‌لكێ ده‌ڤه‌رێ دوێ قوناغا هه‌ستیاردا و ئه‌ف چه‌نده ژی ناهێته ئینكاركرن، هه‌ردیسان ژپشكداریا چه‌ندین ئه‌ندامێت لقێ دهوكێ (ملا عبدالغفور عبدالمجید ) و (ملا عصمت هاشم )كوته‌كه‌ز ل سه‌ر شیره‌ت و رێنمایێت جه‌نابێ سه‌روكی كرن، هه‌ر دیسان ئاشكه‌راكرن و شلوڤه‌كرنا ریدانا زاخو ژلایێ ( ملا اسماعیل ) ڤه كو بویه ئه‌گرێ تومه‌ت باركرناوی بهه له‌ڤه، به‌لێ راستیا ڤێ چه‌ندێ هاته دیاركرن ژلایێ ناڤبری ڤه به‌رامبه‌ر جه‌نابێ سه‌روكێ هه‌رێمی كو ئه‌ف گوتنێن ده‌رحه‌قا ماموستایی داهاتینه‌كرن دیرن ژ راستیێ ، هه‌ردیسان رێڤه‌به‌رێ ئه‌وقافا دهوكێ سه‌روبه‌رێ مزگه‌فتێت پارێزگه‌ها دهوكێ دا دیاركرن كو پێتڤی بگه‌له‌ك هاریكاریێ هه‌یه وه ك دامه‌زراندنا فه‌رمانبه‌رن كو چه‌ندین مزگه‌فتێت باژێری دهوكێ پێتڤی بفه‌رمانبه‌ران هه‌یه داخازكر ئه‌ف كێشه بێته چاره‌سه‌ركرن، ل دوماهیێ جه‌نابێ سه‌روكێ هه‌رێمێ به‌رسف ل سه‌ر وان پرسیارو پێشنیارێت ماموستایان دا و بشته‌ڤانیا خو ده‌ربری ژبو جێبه‌جێ كرنا پێتڤیێت وان و دوباره خوشحالیا خو ده‌ربری داخازا سه‌ركه‌فتنێ بو ئاماده‌بویان خاست.
مه‌لا جهاد حسن بیسفكی
راگه‌هاندنا لقێ دهوكێ یا زانایان.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
