رۆژی 4/8/2010 شاندێكی زانكۆی ئه‌لموسته‌فای نێوده‌وڵه‌تی، كه له ئێرانه سه‌ردانی مه‌كته‌بی ته‌نفیزی زانایانیان كرد.
شانده‌كه به سه‌رۆكایه‌تی محه‌مه‌د حه‌سه‌ن مه‌هده‌وی مهر جێگری سه‌رۆكی زانكۆی ناوبراو بوو، ئامانجیان له سه‌ردانه‌كه وێڕای راگۆڕینه‌وه، كردنه‌وه‌ی لقێكی زانكۆكه بوو له هه‌ولێری پایته‌خت، كه بڕیاریشه لقی دیكه له به‌سره‌‌و له به‌غدا بكه‌نه‌وه، ئه‌وه سه‌رباری وه‌رگرتنی قوتابی له‌و زانكۆیه.
سه‌رۆكی یه‌كێتی زانایان به‌خێرهێنان، باسی له ره‌وشی ئایینی له هه‌رێمی كوردستان كرد، كه له دوای راپه‌ڕینه‌وه رێژه‌ی هه‌ڵگرانی بڕوانامه ئایینیه‌كان زۆر زیادی كردووه‌‌و، هه‌روه‌ها چه‌ند زانكۆ‌و په‌یمانگا‌و چه‌ندان قوتابخانه‌ی ئایینی له هه‌رێمی كوردستان كراونه‌ته‌ونه‌وه.
ره‌وشی ئایینی‌و پێشكه‌وتنی كوردستان بووه جێی سه‌رنجی میوانان‌و، جێگری سه‌رۆكی زانكۆی ئه‌لموسته‌فا پێی وابوو هه‌رێمی كوردستان زۆر له‌وه پێشكه‌وتووتره، كه ئه‌و بیری لێده‌كرده‌وه.
بۆ كردنه‌وه‌ی لقه‌كه‌ش سه‌رۆكی یه‌كێتی زانایان به شاندی میوانی راگه‌یاند، ئه‌وان دیراسه‌ی باسه‌كه ده‌كه‌ن‌و، قسه له‌گه‌ڵ لایه‌نی پوه‌یوه‌ندیدار ده‌كه‌ن.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
