سه‌ر له به‌یانی ڕۆژی 27/9/2010 به‌بانگهێشتی فه‌رمی {كۆمه‌ڵه‌ی خه‌ڵك بۆگه‌شه‌پێدان"P.D.A}، مه‌لا سیدصدیق كه‌پرانی ، وه‌كو نوێنه‌ری یه كێتی زانایانی ئاینی ئیسلامی كوردستان ، به‌شداری له سمینارێكی كۆمه‌ڵه‌ی ناوبراو كرد ،كه له‌شاری هه‌ولێر ڕێكخرابوو،بۆ زۆرێك له وه‌زاره ته كان و،ڕێكخراوه‌كانی كۆمه‌ڵگه‌ی مه‌ده‌نی ،به‌مه‌به‌ستی ووتو وێژ له سه‌ر پرۆژه‌ی [به‌ره‌نگار بوونه‌وه‌ی هاوسه‌رگیری به‌زۆر ]،له‌دوای گفتو گۆ كردن له‌سه‌ر ته‌وه‌ره‌كه‌و،گۆڕینه‌وه‌ی ڕایه‌كان و،شرۆفه كردنی و،وه‌ڵامدانه‌وه‌ی زۆرێك له‌سه‌رنج وپرسیاره‌كان ،له‌لایه‌ن نوێنه‌ری یه‌كێتی زانایان،له‌پاشان مه‌لا سید صدیق كه‌پرانی دووپاتی ئه‌وه‌ی كرده‌ووه كه‌ده‌قه‌كانی ئاینی ئیسلام ،روون وئاشكران ،ده‌رباره‌ی دیارده‌ی ئافره‌ت به‌زۆر به شوودان ،كه كارێكه له ئاینی پیرۆزی ئیسلام به‌دووره‌و پێی ڕازی نیه ،وه هه‌ر جۆره كارێك له‌وشێوه‌یه ،وه‌كو دیارده ئه‌گه‌ر بوونی هه‌بێت ،هه‌ڵقوڵاوی ده‌قه‌كانی ئیسلام نین ،به‌ڵكو نه‌ریتی چه‌وتی خه‌ڵكانێكی نا ڕۆشنبیرن و،ناشكرێ له سه‌ر ئیسلامی حیساب بكرێت ،وه‌هه‌میشه‌ش مامۆستایانی ئاینی له ڕێگای مینبه‌ره‌كانیانه‌وه خه‌ڵكیان له و دیارده نا شه‌رعی یه هۆشیاركردۆته‌وه ،وه له كۆتایدا تیشكی خسته سه‌ر چه‌ند خاڵێكی گرنگ ،بۆ چاره‌سه‌ر كردنی ئه‌و دیارده‌یه :
1. به‌رزكردنه‌وه‌ی ئا ستی رۆشنبیری كۆمه‌ڵگا ،به‌هه‌ماهه‌نگی له‌گه‌ڵ گشت لایه‌نه په‌یوه‌ندیداره‌كان،به‌شێوازێكی مه‌یدانی ،به‌مه‌به‌ستی چاره‌سه‌ركردنی هه‌رجۆره دیارده‌یه‌ك.
2. كردنه‌وه‌ی خوڵی تایبه‌ت ،بۆگه‌نجانمان،له‌ڕه‌گه‌زی نێرو،مێ،به‌مه‌به‌ستی شاره‌زابوونیان له پرۆسه‌ی هاوسه‌رگیری ،پێش پێك هێنانی پرۆسه‌كه .
وه‌له‌پاشان ئاماده‌ی هه‌رجۆره هاوكاری و،هه‌ماهه‌نگیه‌كی به‌ئاماده‌بووان ڕاگه‌یاند،كه‌ئێمه وه‌كو یه‌كێیتی زانایان ،ئاماده‌ین بۆ هه‌ر جۆره هه‌ماهه‌نگیه‌ك به‌مه‌به‌ستی چاره‌سه‌ركردنی دیارده‌كان و،خزمه‌تكردنی كۆمه‌ڵگای كورده‌واری موسڵمانی خۆمان ،به‌ڵكو به ئه‌ركیشی ده‌زانین.
ڕاگه‌یاندنی لقی هه‌ولێری
یه‌كێتی زانایانی ئاینی ئیسلامی كوردستان
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
