به‌بۆنه‌ی (1/10) رۆژی به‌ساڵاچوان‌و، وه‌ك ئاوڕدانه‌وه‌یك بۆ مافه‌كانیان له روانگه‌ی ئایینی ئیسلامه‌وه، یه‌كێتی زانایانی ئایینی ئیسلامی كوردستان داوا له سه‌رجه‌م وتاربێژانی كوردستان ده‌كات، بۆ وتاری هه‌ینی ئه‌م جاره به گرنگییه‌وه باس له مافه‌كانی به ساڵاچوان بكه‌ن‌و، گه‌وره‌یی ئه‌وان بۆ موسڵمانان‌و نوێژخوێنان روون بكه‌نه‌وه، به‌تایبه‌تی كه ئیسلام زۆر به جددی تیشك ده‌خاته سه‌ر ئه‌و باسه‌‌و، له هه‌موو ئایین‌و رێبازه‌كان پتر گرنگی به مافه‌كانی ته‌مه‌نداران ده‌دات.
هه‌روه‌ك مه‌كته‌بی ته‌نفیزی به ره‌سمی سه‌رجه‌م لقه‌كانی یه‌كێتی زانایانی ئاگاداركرده‌وه، كه كۆی (16) لقی له سه‌رجه‌م كوردستان هه‌یه، بۆ ئه‌وه‌ی ئه‌وانیش له هه‌موو ناوچه‌یه‌كی كوردستان وتاربێژان ئاگادار بكه‌نه‌وه، بۆ ئه‌وه‌ی وتاری هه‌ینی تایبه‌ت بكه‌ن به مافه‌كانی به ساڵاچوان. تا نه‌وه‌ی نوێ رێزی گه‌وره‌كانیان بگرن‌و، مافه‌كانیان بده‌ن‌و، خزمه‌ت‌و ماندووبوونیان له‌به‌ر چاو بێت.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
