یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   چه‌مچه‌ماڵ: له‌ ژێر دروشمى (دڵسۆزى و خۆڕاگرى و هاريكارى)دا ڕێوڕه‌سمى يادى مه‌ولود به‌ڕێوه‌چوو    *****    *****   بۆ يه‌كه‌مجار له‌ چاكسازى گه‌ورانى هه‌ولێر؛ ڕێوڕه‌سمى خوێندنه‌وه‌ى مه‌ولود به‌ڕێوه‌چوو    *****    *****   سلێمانى: مامۆستا مه‌لا عبدالله‌ى بێتواتە كۆچى دواييكرد    *****    *****   هه‌ولێر: مامۆستا مه‌لا سه‌يد صه‌فا كۆچى دواييكرد    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   به‌رده‌ڕه‌ش: مامۆستا مەلا جه‌واد كۆچى دواييكرد    *****    *****   گه‌رمیان : به‌شكۆدارییه‌وه‌ یادى له‌دایكبوونى پێغه‌مبه‌ر -دروودى خواى له‌سه‌ر بێت- كرایه‌وه‌    *****    *****   سه‌رۆكی یه‌كێتی زانایان: ده‌بێ قوتابیانی ئایینی به‌ زانست و نیشتیمانپه‌روه‌ری په‌روه‌رده‌ بكرێن    *****    *****   مامۆستا مەلا (سه‌ليم إبراهيم) كۆچى دواييكرد    *****    *****   سعوديه‌: به‌بۆنه‌ى يادى مه‌ولود؛ به‌ فه‌رمى 3 ڕۆژ‌ پشووى فه‌رمى ڕاده‌گه‌يه‌نێت    *****    *****   پیرۆزبایی یه‌كێتی زانایان به‌بۆنه‌ی مانگی مه‌ولود    *****    *****   سه‌رۆكى يه‌كێتى زانايان: به‌درێژايى مێژوو؛ حوجره‌ و مه‌دره‌سه‌ ئاينيه‌كانى كوردستان مه‌ڵبه‌ندى ديندارى و هيممه‌تبه‌رزى و پاراستنى مۆركى نه‌ته‌وه‌يى بووه‌   
سه‌رۆكى یه‌كێتى زانایان: ئیسلام هیچ كاتێك ڕێگر نیه‌ له‌وه‌ى كه‌ گه‌لى كورد بریار له‌مافى چاره‌نووسى خۆى بدات .
به‌رواری دابه‌زاندن: 18/05/2017 : 12:19:13
قه‌باره‌ی فۆنت

سه‌رۆكى یه‌كێتى زانایان: ئیسلام هیچ كاتێك ڕێگر نیه‌ له‌وه‌ى كه‌ گه‌لى كورد بریار له‌مافى چاره‌نووسى خۆى بدات .


له‌ ژێر دروشمى ( به‌ڵێ بۆ ریفراندۆم ) و به‌ چاودێرى قائمقامى قه‌زاى شێخان و به‌ ئاماده‌بوونى سه‌رۆكى یه‌كێتى زانایانى ئاینى ئیسلامى كوردستان له‌ قه‌زاى شێخان رۆژى چوارشه‌ممه‌ 17/5/2017 گردبوونه‌وه‌یه‌كى زانایانى ئاینى به‌رێوه‌چوو.


له‌م گردبووه‌نه‌وه‌یه‌دا، كه‌ ژماره‌یه‌كى به‌رچاو له‌ زانایانى ئاینى ده‌ڤه‌ره‌كه‌ و ژماره‌یه‌ك كه‌سایه‌تى ئاینى و رۆشنبیرى مه‌سیحى و یه‌زیدى ئاماده‌بوون، به‌رێز دكتۆر عه‌بدوڵلا مه‌لا سه‌عید گرتكى سه‌رۆكى یه‌كێتى زانایانى ئاینى ئیسلامى كوردستان وتارێكى پێشكه‌شكردو تیایدا تیشكى خسته‌ سه‌ر مافى نه‌ته‌وایه‌تى و پاراستنى ناسنامه‌ى نه‌ته‌وه‌، له‌ ئاینى پیرۆزى ئیسلام و جه‌ختى كرده‌وه‌، كه‌ ئاینى ئیسلام هاتووه‌ بۆ پاراستنى مافى سه‌رجه‌م نه‌ته‌وه‌كان و مافێكى سروشتیشه‌ كه‌ گه‌لى كورد ببێته‌ خاوه‌ن ده‌وڵه‌تی خۆى و ئیسلام هیچ كاتێك ڕێگر نیه‌ له‌وه‌ى كه‌ گه‌لى كورد بریار له‌مافى چاره‌نووسى خۆى بدات.


هه‌ر له‌میانه‌ى وتاره‌كه‌یدا، هه‌موو ئه‌و تۆمه‌تانه‌ى شیكردنه‌وه‌ كه‌ له‌لایه‌ن هه‌ندێك له‌ ناحه‌زانه‌وه‌ ده‌خرێنه‌ پاڵ كورد، بۆ ڕێگه‌گرتن له‌ ئه‌نجامدانى ریفراندۆم و دروستكردنى ده‌وله‌تى سه‌ربه‌خۆى كوردستان، هه‌روه‌ها پشتگیرى و پشتیوانى سه‌رجه‌م زانایانى ئاینى ئیسلامى كوردستانى بۆ ریفراندۆم و زه‌رووره‌تى ئه‌نجامدانى دووپاتكرده‌وه‌.


له‌به‌شێكى دیكه‌ى وتاره‌كه‌یدا، به‌ڕێزیان خۆشحاڵى خۆى ده‌ربڕى به‌وه‌ى كه‌وا هه‌موو پێكهاته‌ئاینیه‌كانى شێخان له‌ موسڵمان و مه‌سیحى و یه‌زیدى، پێكه‌وه‌ پشتیوانى له‌ پرسه‌نه‌ته‌وه‌ییه‌كان ده‌كه‌ن و به‌ڕێزیان گوتى: به‌دڵنیاییه‌وه‌ ئه‌نجامدانى ریفراندۆم و راگه‌یاندنى سه‌ربه‌خۆیی بۆ پاراستنى ئه‌م ته‌باییه‌و یه‌كهه‌ڵوێستیه‌.


ئه‌مه‌و دواتر هه‌ریه‌ك له‌ به‌ڕێزان شێخ سه‌ردار شێخ یحیى قائیمقامى شێخان و به‌رێز محمود یه‌زیدى به‌رپرسى لقى 20 ى پارتى دیموكراتى كوردستان و مامۆستا مه‌لا عبدى بركات به‌رپرسی لقى شێخانى یه‌كێتى زانایان چه‌ند په‌یڤێكیان پێشكه‌شكرد، كه‌ وێراى به‌رزنرخاندنى ئه‌م هه‌نگاوه‌و پشتیوانیه‌ى یه‌كێتى زانایان، داكۆكیان له‌ سه‌ر گرنگى ئه‌نجامدانى ریفراندۆم و رۆلى هه‌ستیارى زانایانى ئاینى كرده‌وه‌، و له‌ كۆتاییشدا له‌لایه‌ن به‌رێوه‌به‌رى ئه‌وقافى شێخان په‌یامى نوێنه‌رانى سه‌رجه‌م ئاینه‌كانى ده‌ڤه‌رى شێخان خوێندرایه‌وه‌.


شایه‌نى باسه‌ ئه‌م گردبوونه‌وه‌یه‌ له‌لایه‌ن لقى شێخانى یه‌كێتى زانایانى ئاینى ئیسلامى كوردستان به‌ هه‌ماهه‌نگى له‌گه‌ڵ به‌رێوه‌به‌رایه‌تى ئه‌وقافى شێخان ئاماده‌كرابوو.