مه‌لا سه‌ید صدیق كه‌پرا نی، ڕاگه‌یاندنی لقی هه‌ولێر :
سه‌ر له‌ئێواره‌ی رۆژی 29 /10 / 2010 به‌ڕێز شێخ نیاز راغب دێگه‌یی به‌رپرسی لقی هه‌ولێری یه‌كێتی زانایانی ئاینی ئیسلامی كوردستان، به‌یاوه‌ری مامۆستا سه‌ید ئه‌كره‌م كه‌پرانی به‌رپرسی ناوچه‌ی به ڕانه‌تی، سه‌ردانی مامۆستا مه‌لا عبد القادر به‌حركه‌یی یان كرد.
سه‌ره‌تا شێخ نیاز دێگه‌یی، تیشكی خسته سه‌ر ئه‌وه‌ی كه ئێمه له لقی هه‌ولێری یه‌كێتی زانایان، خۆمان به خزمه‌تكارو، خه‌مخۆری سه‌رجه‌م مامۆستایانی ده‌ڤه‌ری خۆمان ده‌زانین، به‌بێ جیاوازی‌و، زه‌مینه‌شیان بۆ خۆش ده‌كه‌ین بۆ ئه‌وه‌ی زیاتر بتوانن تواناكانی خۆیان ده‌ربخه‌ن‌و، خزمه‌تی زیاتر پێشكه‌ش به كۆمه‌ڵگا بكه‌ن، به‌تایبه‌تی مامۆستایانی خاوه‌ن ئه‌زموون‌و، خاوه‌ن حوجره ئه‌هلیه‌كان، بۆ ئه‌م مه‌به‌سته‌ش به‌رده‌وام هه‌وڵمان داوه‌و، به‌رده‌وامیش ده‌بین‌و، درێغی ناكه‌ین بۆ گه‌ڕاندنه‌وه‌و، زیندووكردنه‌وه‌و، ئاوه‌دانكردنه‌وه‌ی حوجره‌كان، بۆ پێگه‌یاندنی مامۆستایانی ئاینی به‌توانا، به‌مه‌به‌ستی په‌روه‌رده كردن‌و، پێگه‌یاندنی ڕۆڵه‌كانمان له نه‌وه‌ی نوێماندا.
پاشان به‌رپرسی لق، به‌ناوی لقی هه‌ولێر، دووپاتی پاڵپشتی كرده‌وه بۆ سه‌رجه‌م مامۆستایانی ئاینی ناوشاری هه‌ولێرو ده‌ورووبه‌ری، له هه‌ر جۆره پێویستی‌و خزمه‌ت‌و، ئاسانكاریه‌ك، وه به‌ڵێنیشیدا كه: ڕێگر ده‌بین له به‌رده‌م هه‌رجۆره بێ حورمه‌تیه‌ك كه‌به‌رامبه‌ر ئیسلام‌و، مامۆستایانی ئاینی بكرێت.
له‌لایه‌ن خۆشیه‌وه مامۆستا مه‌لا عبدالقادر به‌حركه‌یی، سوپاسی لقی هه‌ولێرو، ناوچه‌ی به‌ڕانه‌تی كرد، بۆ ئه‌م به‌سه‌ر كردنه‌وه‌و، ده‌ستخۆشیشی لێكردن كه به گڕو تینه‌وه هه‌ست به به‌رپرسیاریه‌تی ده‌كه‌ن‌و، خزمه‌تی ئاین‌و، مامۆستایان ده‌كه‌ن.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
