رۆژا 1/11/2010 ل ده‌مژمێر 30 :10 ێ سپێدێ، رێزدار جێگرێ پارێزگارێ دهوكێ‌‌و، شاندا دگه‌لدا‌و، چه‌ند رێكخراوێت كۆمه‌ڵگه‌ها مه‌ده‌نی، هه‌روه‌سا دگه‌ل رێڤه‌به‌رێ ئه‌وقافا دهوكێ، سه‌ره‌دانا لقا دهۆكێ ئێكه‌تیا زانایان دا، ب رێزڤه ژلایێ به‌رپرسێ لقێ ڤه مامۆستا مه‌لا ئه‌نه‌س مه‌لا موحه‌مه‌د شه‌ریف‌و ئه‌ندامێن لقێ، پێشوازی لێ هاته كرن.
ل سه‌ره‌دانێدا كو نزیك ژ ده‌مژمێره‌كی خایاند، جێگرێ پارێزگه‌هی پشتی سوپاس‌و پێزانینا خۆ ئه‌ڤ پێشوازیا گه‌رم‌و، هه‌روه‌سا چاڵاكیێن ئێكه‌تیا زانایان‌و لقا دهۆك ب تایبه‌تی، گه‌له‌ك گوتوبێژ هاتنه‌كرن، پاشی رێزداری به‌حسا دیاردا كاركرنا زارۆكا ل سه‌ر جادا كر، كو دیارده‌كا نه‌شرینه‌‌و، دبیته ئه‌گه‌ر بۆ خراب بوونا كه‌ساتیا زارۆكی‌و، دڤێت ئه‌م پێكڤه هه‌وڵا خۆ بده‌ین بۆ نه‌هێلانا ڤی دیارده‌ی.
ژ لایێ خۆڤه مامۆستا مه‌لا ئه‌نه‌س ب ناڤێ هه‌می ئه‌ندامێن لقێ ڤه، پشتیوانیا خۆ نیشاندا بۆ هه‌ر چاره‌سه‌ریه‌كا دروست بۆ ڤی بابه‌تی، ئو گۆت: پێدڤیه كو زارۆك لڤان دیاردا بهێنه دویر كرن‌و، ل سه‌ر جادا نه‌هێلین، پاشی مامۆستا مه‌لا ئه‌نه‌س هنده‌ك رێك‌و هۆكار دا دیاركرن بۆ نه‌هێلانا ڤێ دیارده‌ی:
1_ مامۆستایێت مه ل رۆژێت هه‌ینی ئاماژێ پێبكه‌ن، كو ئاینێ ئیسلامێ بها دایه زارۆكاو، ناچێبیت كو كاره‌ك پێ بهێته‌كرن كه‌ساتیا وی تێك بده‌ت.
2_ ل سه‌ر دای بابێت ڤان زارۆكا پێدڤیه كو د هشیاربن زارۆكێ وان ل هه‌می ماڵێ دنیایێ مه‌زن تره. كو ئه‌ڤه ژی كارا رێكخراوانه.
3 _ ئه‌ڤ زاروكێت كاردكه‌ن ژ به‌ر بارێ ئابوری، دڤێت كو حكومه‌ت هاریكاریا ڤان زارۆكا بكه‌ت.
ل دیماهیكێ جێگرێ پارێزگارێ‌‌و ئه‌و رێكخراوێت دگه‌لدا ده‌ست خۆشی ل مامۆستایان كر، ب تایبه‌ت لقا دهوك یا ئێكه‌تییا زانایان.
| 
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
