یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   شاندێکی زانایانی کەربەلا بەسەرۆکایەتی شێخ عەلی قەرعاوی سەردانی یەکێتی زانایان دەکات    *****    *****   پەیامی پیرۆزبایی سەرۆکی حکومەتی هەرێمی کوردستان بۆ یادی لەدایکبوونی پێغەمبەری ئیسلام محەمەد ( دروودی خوای لە سەر بێت)    *****    *****   سەرۆکی هەرێم پەیامێکی پیرۆزبایی بە بۆنەی مەولودەوە بڵاو دەکاتەوە    *****    *****   سەرۆکی حکومەتی هەرێمی کوردستان بەشداری لە یادی لەدایکبوونی پێغەمبەری ئیسلام دەکات    *****    *****   به‌یاننامه‌ی یه‌كێتی زانایانی ئایینی ئیسلامی کوردستان به‌ بۆنه‌ی له‌دایكبوونی پێغه‌مبه‌ر(درودی خوای له‌سه‌ر بێت)    *****    *****   هەولێر: بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی بەڕێوە دەچێت    *****    *****   د.عیرفان رەشید ئەندامی مەکتەبی تەنفیزی بەشداری شەشەمین دیداری یەکێتی زانایانی تورکیا دەکات    *****    *****   شاندێکی باڵای یەکێتی زانایان سەردانی هەردوو بەرێوەبەری گشتی ئەوقافی هەولێرو بەرێوەبەرایەتی حەج و عومرە دەکات    *****    *****   سەرۆكی ئەنجوومەنی باڵای فتوا: زیادبوونی كورسییەكانی كورد دڵخۆشكەرە    *****    *****   دیوانی پارێزگای هەولێر: بە ئامادەبوونی سەرۆکی یەکێتی زانایان کۆبوونەوەیەک بۆ ئامادەکاری پێشوازی مانگی مەولود بەرێوە دەچێت    *****    *****   سەرۆکی یەکێتی زانایان لەشاری هەولێر بەشداری مەراسیمی بەخشینی بڕوانامەی زانستی دەکات    *****    *****   پرسە و هاوخەمی   
سۆران: وەزیری ئەوقاف و کاروباری ئایینی و سەرۆکی یەکێتی زانایان لەگەڵ وتارخوێنانی دەڤەرەکە کۆ بوونەوە
به‌رواری دابه‌زاندن: 07/09/2021 : 21:28:43
قه‌باره‌ی فۆنت

ئەمڕۆ 7ی9ی2021 بەڕیز د. پشتیوان صادق وەزیری ئەوقاف وکاروباری ئایینی و د. عبداللە وەیسی سەرۆکی یەکێتی زانایانی ئایینی ئیسلامی کوردستان و بەڕێز د. دیار جباری بەڕێوەبەری گشتی دیوان، بەرەچاوکردنی رێنماییە تەندروستیەکان لەگەل وتار خوێنان و مامۆستایانی ئایینی قەزای سۆران و چۆمان و ڕواندز و مێرگەسۆر کۆبوەوە.


پاش قورئان خوێندن، بەڕێز د. پشتیوان سرێشمەیی بەرێوەبەری ئەوقافی سۆران وتاری بەخێرهاتنی پێشکەش کرد.


دواتر رێزدار د. پشتیوان صادق وەزیری ئەوقاف وکاروباری ئایینی لەوتەیەکەیدا بەخێرھاتنی مامۆستایانی ئایینی کرد و خۆشحاڵی خۆی دەربری بەدیداری مامۆستایان، دواتر رۆڵی مامۆستایانی بەڕێزی بەرزنرخاند لە بڵاوکردنەوەی بیری میانرەوی خزمەتکردنی ئایینی پیرۆزی ئیسلام، لە تەوەرێکی تردا جەختی لە ئایین پەرەوەری و نیشیتمان پەروەری کردەوە ھەروەھا ئاماژەی بەبۆردی وتاری ھەینی کرد و رایگەیاند بۆردی وتار لەسەر بنەمای راسپاردەکانی کۆنفرانسی رێکخستنی وتاری ساڵی ٢٠١٦دروست بووە، وتی وتار ئەمانەتێکی گەورەیە بۆیە ئێمە پێکەوە لەخزمەتی ھاوڵاتیانی ئازیزی کوردستاندا دەبین، لەبەشێکی وتەکەیدا پەیوەندی بەھێزی نێوان یەکێتی زانایان و وەزارەتی ئەوقافی بەرز نرخاند بۆ گەیاندنی پەیامی ئایینی، دواتر ئاماژەیدا بە بەرەو پێشبردنی قوتابخانەو خوێندنی ئیسلامی و خزمەتکردنی حوجرەکان بەرەو پێش بردنیان ئامانجیش لێی تەنھا دروست کردنی مامۆستای ئایینی بێت، ھەروەھا دروست کردنی پەیمانگایەکی تایبەت بە مامۆستا کە کارەکانی لەکۆتایدایە و حوجرەو قوتابخانەکان سەرچاوەی مرۆی پەیمانگاکە دەبن.


دواتر بەرێز د. عبداللە وەیسی سەرۆکی یەکێتی زانایان لەوتەیەکدا پشتیوانی بۆ ھەنگاوە پر خزمەتەکانی وەزارەت دووپاتکردەوە کە پەیوەندی بەھێزی زانایان و ئەوقاف خزمەت بە پرۆسەی خزمەتکردنی ئایینی دەکات بۆیە لەقوناغی داھاتوو لەھەموو پرۆژەو بریارەکان پێکەوە دەبین ئەویش بەئامانجی خزمەتکردنی ئایینی پیرۆزی ئیسلام و پەیامە راستەقینەکەی دواتر خزمەتکردنی زانایانی ئایینی.


هەر لەوتارەکەی ئاماژەی بە دۆخی ئێستاو رەوشی ئایینی و چەند بابەتێکی پەیوەست بە وتاربێژان و مامەڵەکردن لەگەڵ تەکنەلۆژیاو بابەتی فەتوا و گێڕانەوەو پاراستنی شکۆی مەلایەتی و بە پێشەنگ گرتنی پێغەمبەر لەمەڕ نەرم و نیانی لە ئەداو گوتارو هەڵسوکەوت و ئیدارەدانی مزگەوت داو، چەندین نمونەی بیر مامۆستایان خستنەوە وەک بەرچاوروونیەک لە کارو هەنگاوەکانی ئایندە، هەروەک ئاماژەی بە هەوڵ و کۆششەکانی یەکێتی زانایان لەخزمەتی مامۆستایان خستە ڕوو.


شایەنی باسە لەکۆتایدا مامۆستایانی بەڕێزی بەشدار پرسیارو پێشنیارەکانیان خستەڕوو بۆ خزمەتی ھەموولایەک و دیدارەکە سەرکەوتووانە کۆتایی پێ هات.