وه‌ڵام/ ئایینی پیرۆزی ئیسلام هه‌روه‌ك گرنگی داوه به لایه‌نی خواردن‌و خواردنه‌وه‌‌و پۆشاك‌و بژێوییه‌كانی دیكه له ژیانی مرۆڤدا، به هه‌مان شێوه بایه‌خی به لایه‌نی ئاره‌زو و حه‌ز‌و ویسته ده‌روونییه‌كانیش داوه.
هه‌روه‌ها ئایینی پیرۆزی ئیسلام وه‌ك به‌رگری له ژیانی ره‌به‌ندی (التّبتّل) كردووه، له‌ولاشه‌وه بانگه‌شه‌ی بۆ ژیانی هاوسه‌رگیری كردووه، وه‌ك پێغه‌مبه‌ری خۆشه‌ویستمان ده‌فه‌رمووێت: (من استطاع منكم الباءة فليتزوَج). رواه البخاري.
بۆیه زانایان فه‌رموویانه: (إنّ من تمام الكفاية ما يأخذه ليتزوّج به إذا لم تكن له زوجةٌ، واحتاج للنّكاح) (حاشية الرّوض المربع 1/400).
واته: (بێگومان یه‌كێكه له‌و شتانه‌ی هه‌ژار پێویستی‌و كیفایه‌تی پێ ده‌درێت له زه‌كاتدا، ئه‌وه‌ی كه ژنی نه‌بێت‌و پێویستی به ژن بێت، پێویستی ژنهێنانیشی پێ ده‌درێت. وه خه‌لیفه‌ی پێنجه‌م عومه‌ری كوڕی هه‌بدولعه‌زیز ده‌یفه‌رموو: (من يانادي في النّاس كلّ يومٍ: أين المساكين؟ أين الغارمون؟ أين النّاكحون؟). (البداية والنّهاية لابن كثير 9/200).
واته: له ناو خه‌ڵكیدا بانگه‌وازی ده‌كرد: له كوێن هه‌ژاره‌كان؟ له كوێن قه‌رزاره‌كان؟ له كوێن ئه‌وانه‌ی ئه‌ویانه‌وێ ژن بهێنن، تا هاوكاری بكرێن له (بیت المال‌و زه‌كاتدا.
به پێی هه‌موو ئه‌و به‌ڵگانه‌وه ده‌رده‌كه‌وێت: ((گه‌نجێك، كه توانای مادی نییه‌‌و ده‌ست كورته‌‌و پێویستی به ژیانی هاوسه‌رگیری هه‌یه، دروسته ئه‌وه‌نده زه‌كاتی پێ بدرێت، كه بتوانێ به ته‌واوی كاروباری ژنهێنانه‌كه‌ی پێ ئه‌نجام بدات به مه‌رجێك له سنووری عورف ده‌رنه‌چێت)). (فقه الزّكاه/ 385).
یه‌كێتی زانایانی ئایینی ئیسلامی كوردستان
لێژنه‌ی باڵای فه‌توای كوردستان
9-9-1432
9-8-2011 | 
لە پێناو پاراستنی ئارامی مزگەوتەکان و یەکڕیزی ناو موسڵمانان و یەکخستنەوەی پەرستش و دروشمە ئایینیەکان وەزیری ئەوقاف و کاروباری ئایینی فەرمانێک دەر دەکات
یه‌كێتی زانایانی ئایینی ئیسلامی کوردستان به بۆنهی مانگی مەولودو لهدایكبوونی پێغهمبهر(درودی خوای لهسهر بێت) بەیاننامەیەک بڵاو دەکاتەوە
