وه‌ك داوایه‌ك بۆ گۆڕینی ناوچه‌ی هه‌ڵه‌بجه‌ی یه‌كێتی زانایان بۆ لق، چه‌ند مامۆستایه‌كی ئه‌م شاره له رێگه‌ی راگه‌یاندنه‌كانه‌وه كۆبوونه‌وه‌‌و، داوایان ده‌كرد ناوچه‌كه‌یان بۆ بكرێته لق، ئێمه له‌لای خۆمانه‌وه پشتگیری ته‌واوی داواكه‌یان ده‌كه‌ن، چونكه هه‌ڵه‌بجه وێڕای پێگه ئایینیه‌كه‌ی له رووی سیاسی‌و كۆمه‌ڵایه‌تیشه‌وه حسابێكی تایبه‌تی بۆ ده‌كرێت، به‌تایبه‌تی دوای بڕیاری به پارێزگابوونی، دیاره له دوا كۆبوونه‌وه‌ی ئه‌نجومه‌نی ناوه‌ندی زانایانیش هه‌مان شتمان تاوتوێكرد‌و پشتگیری ئه‌م داوایه‌ی زانایانی هه‌ڵه‌بجه كرا، به‌ڵام چه‌ند له‌مپه‌رێكمان له پێشه‌‌و له‌گه‌ڵ تێپه‌ڕبوون به‌سه‌ریان ئه‌م داوایه ده‌چێته واری جێبه‌جێكردنه‌وه، چونكه تا ئێستا سنووری ئیداری شاره‌كه دیار نییه، تا به پێی سنووره‌كه ئه‌م لقه بكرێته‌وه، هه‌روه‌ها دوای هاتنه‌پێشی ئه‌م قه‌یرانه داراییه‌ی هه‌رێمی كوردستان ئێمه‌ی یه‌كێتی زانایانیش دووچاری كۆمه‌ڵێك گرفت هاتینه‌وه‌‌و، ئه‌و میزانیه‌ی بۆ یه‌كێتی زانایان دیاریكرا بوو، ئێستا ته‌نها نیوه‌ی سه‌رف ده‌كرێت، ئه‌مه‌ش نه‌ك هه‌ر لقێكی نوێ به‌ڵكو له هه‌موو لق‌و ناوچه‌كانی یه‌كێتی زانایان گرفتی بۆ درووست كردووینه‌‌و، ته‌واوی لقه‌كانی یه‌كێتی زانایانیش ئاگاداری ئه‌م ره‌وشه‌ن، بۆیه دڵنیایی ده‌ده‌ینه زانایانی ئایینی هه‌ڵه‌بجه‌ی شه‌هید، هه‌ر كاتێك سنووری ئیداری پارێزگاكه دیاری كرا‌و، ئه‌م قه‌یرانه داراییه‌ش كۆتایی پێهات، ئه‌م داوایه‌ی به‌ڕێزیان دێته‌جێ.
مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
26/6/2014
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
