یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سه‌رۆكی یه‌كێتی زانایان ده‌ڤه‌ری ئاكرێ‌‌و شێخان به‌سه‌ر ده‌كاته‌وه‌    *****    *****   هه‌ولێر: پێنجه‌مین خولی شیاندنی‌ په‌یمانگای كوردستان بۆ وتاربێژان كرایه‌وه‌    *****    *****   ڕۆڵی ئیسلام له‌ ئاراسته‌كردنی كۆمه‌ڵگه‌‌و رۆشنبیركردنی تاك    *****    *****   سه‌رۆكى يه‌كێتى زانايان؛ سه‌ردانى شارى سلێمانى ده‌كات    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   مامۆستا محەمەد مەلا قادر کۆچی دوایی کرد    *****    *****   سه‌رۆكی یه‌كێتی زانایان هه‌ردوو به‌ڕێوه‌به‌رایه‌تی ئه‌وقافی سۆران‌و شه‌قڵاوه‌ی به‌سه‌ر ده‌كاته‌وه‌    *****    *****   هه‌ولێر: سه‌رۆكى يه‌كێتى زانايان پێشوازى له‌ مامۆستا مه‌لا ئيحسان و مامۆستا مه‌لا وه‌يسى ده‌كات    *****    *****   هه‌ولێر: نوێنەری مەجمەعی عالمی تەقریبی ئیسلامی سه‌ردانى مه‌كته‌بى ته‌نفيزى ده‌كات    *****    *****   هه‌ولێر: جێگرى سه‌رۆكى په‌ڕله‌مانى عێڕاق سه‌ردانى مه‌كته‌بى ته‌نفيزى يه‌كێتى زانايان ده‌كات    *****    *****   سه‌رۆكى يه‌كێتى زانايان؛ جه‌خت له‌سه‌ر گرنگى پاراستنى سه‌نگى سوننه‌ت و فه‌رمووده‌ى پێغه‌مبه‌رى خوا -صلى الله عليه‌وسلم- ده‌كاته‌وه‌    *****    *****   ئه‌مریكا: به‌رێوه‌چوونی كۆنگره‌یه‌ك له‌باره‌ی قورئانه‌وه‌   
روونكردنه‌وه‌یه‌ك له‌سه‌ر لێداونه‌كانی سه‌رۆكی وه‌قفی شیعی عێراقی
به‌رواری دابه‌زاندن: 16/05/2017 : 11:13:03
قه‌باره‌ی فۆنت

روونكردنه‌وه‌یه‌ك له‌سه‌ر لێداونه‌كانی سه‌رۆكی وه‌قفی شیعی عێراقی

به‌ناوی خوای به‌خشنده‌ی میهره‌بان

ماوه‌ی چه‌ند رۆژێكه‌ وتارێكی سه‌رۆكی وه‌قفی شیعی بڵاوكراوه‌ته‌وه‌، تێیدا به‌ روونی شه‌ڕكردن دژی مه‌سیحی و سابیئه‌و پێكهاته‌كانی تری عێراق حه‌ڵاڵ ده‌كات، له‌ رۆژگاری ئه‌مڕۆی پڕ نه‌هامه‌تی و شه‌ڕی تیرۆریستان به‌ ئه‌ركێكی زیاتری ئایینی و مرۆڤانه‌ی خۆمانی ده‌زانین روونكردنه‌وه‌ له‌سه‌ر قسه‌كانی بده‌ین:

یه‌كه‌م: تا ئێستا هیچ حكومه‌تێكی عێراقی به‌م شێوه‌یه‌ بیری نه‌كردۆته‌وه‌، تا ئه‌وه‌ی حكومه‌تی دیكتاتۆرو خوێنڕێژی پێشووی به‌عسی عێراق، وێڕای ئه‌وه‌ی خوێنی كوردو زۆربه‌ی هاووڵاتیانی عێراقی ده‌ڕێشت، به‌ڵام هێشتا هه‌ڵوێسته‌ دوژمنكارانه‌كه‌یان به‌رامبه‌ر پێكهاته‌ ئایینیه‌كانی تری وه‌ك مه‌سیحی و سابیئه‌كان.... نه‌گه‌یشتبووه‌ ئه‌و ئاسته‌، ئه‌مه‌ش حكومه‌تی عێراق و مه‌رجه‌عه‌كانی شیعه‌ ده‌خاته‌ به‌رده‌م به‌رپرسیارێتییه‌كی گه‌وره‌.

دووه‌م: ئه‌م لێدوانه‌ هه‌مان رێچكه‌و رێبازی تیرۆریستانی داعشه‌، كه‌ ماوه‌ی دوو ساڵه‌ بووه‌ته‌ مایه‌ی رێشتنی خوێنی گه‌لانی عێراق و خاك و ماڵیان خاپوورو وێران ده‌كرێت، بۆیه‌ ئه‌گه‌ر رێگه‌ له‌ به‌رده‌م ئه‌و هه‌ڵمه‌ته‌ تووندڕه‌وییه‌ نه‌گیرێت ئه‌وا ئایینده‌یه‌كی ره‌شتر چاوه‌ڕوانی عێراق ده‌كات.

سێیه‌م: ئه‌و په‌یامه‌ ته‌واو پێچه‌وانه‌ی په‌یامی ره‌حمه‌تی پێغه‌مبه‌ری ئیسلامه‌، كه‌ ده‌یفه‌رموو ئه‌وه‌ی ئازاریان بدات وه‌كو ئه‌وه‌یه‌ ئازاری منی دابێت، من ده‌بمه‌ پارێزه‌ریان، كردبوویه‌ ئه‌ركی موسڵمانان دیفاع له‌ ئازادی ئایین و گیان و ماڵیان بكه‌ن، یه‌كه‌مین په‌یماننامه‌ی نووسراوی بۆ پێكه‌وه‌ژیان مۆركرد.

چواره‌م: بوونی ئازادی پێكه‌وه‌ژیان له‌ جیهانی ئیسلامیدا شتێكی نوێ و تازه‌ نییه‌، به‌ڵكو هه‌ر له‌گه‌ڵ هه‌ڵاتنی یه‌كه‌مین تیشكی خۆری ئیسلام پێكه‌وه‌ژیان له‌ وڵاتانی ئیسلامی هه‌یه‌و، كه‌م وڵاتی وڵاتی ئیسلامی هه‌یه‌ ئایین و مه‌زه‌به‌ جیاوازه‌كانی تێدا نیشته‌جێ نه‌بن، بۆیه‌ ئه‌م كاره‌ ته‌واو نامۆیه‌ به‌ جیهانی ئیسلامی.

پێنجه‌م: لێره‌وه‌ ته‌واوی پێكهاته‌ ئایینی و نه‌ته‌وه‌یی و مه‌زه‌بییه‌كان دڵنیاده‌كه‌ینه‌وه‌، ئه‌م لێدوانانه‌ هه‌ڵقوڵاوی هه‌ستێكی نابه‌رپرسیارانه‌ به‌رامبه‌ر دۆخی برایه‌تی و پێكه‌وه‌ژیان و به‌ هه‌موو شێوه‌یه‌ك ره‌تی ده‌كه‌ینه‌وه‌، داواش له‌ هه‌موو لایه‌ك ده‌كه‌ین نه‌كه‌ونه‌ ژێر كاریگه‌ری ئه‌م جۆره‌ وتارانه‌ كه‌ ئه‌وه‌ چه‌ندین ساڵه‌ له‌ ماڵوێرانی به‌و لاوه‌ هیچ خێرو بێرێكیان بۆ عێراق نه‌بووه‌.

 

یه‌كێتی زانایانی ئایینی ئیسلامی كوردستان

16/5/2017