راگه‌هاندن:
روژا دووشه‌مبی رێكه‌فتی 11/7/2011 شانده‌كێ رێكخراوا ( هاوار ) یا خێرخوازی ل ده‌ڤه‌را دهوكێ، كو پێكهاتبی ژ به‌رێزان ( رێكێش ئامێدی ) رێڤه‌به‌رێ رێكخراوێ‌‌و، چه‌ند ئه‌ندامێت دی‌و، ب رێزڤه ژ لایێ جه‌نابێ به‌رپرسێ لقێ به‌رێز مامۆستا مه‌لا ئه‌نه‌س مه‌لا محمد شریف و، هژماره‌ك ژ ئه‌ندام‌و كارگێڕێن لقێ هاتنه پێشوازی كرن.
د رونشتنه‌كێدا، به‌حسێ وێ چه‌ندێ كرا، كو مامۆستایێن ئایینیێ ئیسلامێ یێ پیروز، د هاریكاربن ژ بۆ باشتر خزمه‌تا وان كه‌سێن هه‌ژارو به‌له‌نگازو ده‌ستكورت و نه‌ساخ و په‌ككه‌فتیان، وه‌ك خزمه‌ته‌ك مروڤایه‌تی بو وان، كو ب ڕێكا زانایان ئه‌ڤ رێكخراوه پتر بێته ناساندن‌و، شۆلێ خۆیێ خێرخوازی بكه‌ت.
ژلاێی خۆڤه جه‌نابێ به‌رپرسێ لقێ، ب ناڤێ خۆو هه‌می زاناییێن ئاینیێن دهۆكێ، پێخوشحالیا نیشاندا ب ئه‌نجامدنا كارێ وانێ پیروزو، دیاركر كو ئه‌ڤه هه‌رده‌م كارێ ماموستایێن ئایینیێه‌‌و، هه‌رده‌م خو ل ڤان جوره كه‌سان دكه‌نه خودان‌و، گوت: ئه‌م د به‌ر هه‌ڤین به‌رنامێ هه‌وه وه‌ك نڤێساره‌ك بێته گشتاندن ل سه‌ر ماموستایێن ئایینی، دا بێته به‌حس كرن ل گوتارێن روژا ئه‌ینێ.
هه‌ژی گۆتنێیه: كو شاندێ رێكخراوێ خوشحالیا خو ده‌ربری بو هاریكاریا لقێ دهوكێ و داخازا سه‌ركه‌فتنێ بو خاست.
| 
