یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات    *****    *****   مامۆستا شێخ محمد خۆشکانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سکاڵای یاسایی لەسەر قاسم شەشۆ تۆمار دەکات    *****    *****   ڕاگەیێندراوێکی ھاوبەش لە وەزارەتی ئەوقاف و کاروباری ئایینی و یەکێتی زانایانی ئاینی ئیسلامی کوردستانەوە    *****    *****   شاندێکی باڵای مەکتەبی تەنفیزی یەکێتی زانایان سەردانی بۆردی باڵای وتاری هەینی لە وەزارەتی ئەوقاف دەکات    *****    *****   لەسەر ئاستی باڵا یەکێتی زانایان و وەزارەتی ئەوقاف و کاروباری ئایینی لە کۆبوونەوەیەکی تایبەتدا چەند پرسێک تاوتوێ دەکەن   
سه‌رۆكی یه‌كێتی زانایان: ناكرێ‌ له‌وه‌ بێده‌نگ بین سه‌رجه‌م چین‌و توێژه‌كان مووچه‌یان زیاد بكرێت‌و به‌ ته‌نها قسه‌ له‌سه‌ر مامۆستایانی ئاینی نه‌كرێت
به‌رواری دابه‌زاندن: 31/10/2011 : 11:27:17
قه‌باره‌ی فۆنت

رۆژی دووشه‌مه‌ (31/10/2011) كۆبوونه‌وه‌یه‌كی هاوبه‌ش له‌ نێوان لیژنه‌ی ئه‌وقاف له‌ په‌رله‌مانی كوردستان‌و وه‌زاره‌تی ئه‌وقاف‌و یه‌كێتی زانایان له‌ باره‌گای یه‌كێتی زانایان ئه‌نجام درا.

له‌ كۆبوونه‌وه‌كه‌دا تیشك خرایه‌ سه‌ر كۆمه‌ڵێك شت، به‌تایبه‌تی له‌ بواری فه‌توا‌و هه‌روه‌ها چۆنیه‌تی مامه‌ڵه‌كردنی راگه‌یاندنه‌كان له‌گه‌ڵ وتاری هه‌ینی‌و فه‌توادان‌و، په‌یوه‌ندی نێوان یه‌كێتی زانایان‌و وه‌زاره‌تی ئه‌وقاف‌و لیژنه‌ی ئه‌وقاف له‌ په‌رمانی كوردستان.

یه‌كێك له‌و ته‌وه‌رانه‌ی قسه‌ی له‌سه‌ر كرا مه‌سه‌له‌ی پێداچوونه‌وه‌ به‌ مووچه‌ی مامۆستایانی ئایینی بوو، چونكه‌ ئێستا موخه‌سه‌ساتی زۆر له‌ فه‌رمانبه‌ران چاك كراوه‌، له‌وانه‌ مامۆستایان، به‌ڵام چه‌ندین جاره‌ داوا ده‌كرێت به‌تایبه‌تی له‌لایه‌ن یه‌كێتی زانایانه‌وه‌، به‌ڵام لایه‌نی په‌یوه‌ندیدار هیچ وه‌ڵامی نییه‌، بۆیه‌ كۆبوونه‌وه‌كه‌ مه‌لا عه‌بدوڵا مه‌لا سه‌عید سه‌رۆكی یه‌كێتی زانایان گووتی: ناكرێ‌ له‌وه‌ بێده‌نگ بین مووچه‌ی زۆربه‌ی چین‌و توێژه‌كان چاك بكرێت یان قسه‌ی له‌سه‌ر بكرێت، ته‌نها وتاربێژان‌و پێشنوێژ‌و وتارخوێنان نه‌بێت.

له‌لای خۆیه‌وه‌ دكتۆر به‌شیر خه‌لیل سه‌رۆكی لێژنه‌ی ئه‌وقاف له‌ په‌رله‌مانی كوردستان گووتی: ئه‌وه‌ ده‌بێ‌ له‌ وه‌زاره‌ته‌وه‌ بێت‌و بگه‌یه‌ندرێته‌ په‌رله‌مان‌و ئێمه‌ش گفتوگۆی له‌سه‌ر بكه‌ین، چونكه‌ شێوازه‌كه‌ی له‌وێوه‌ ده‌ست پێده‌كات.

له‌و باره‌وه‌ سه‌رۆكی یه‌كێتی زانایان بۆ سایتی زانایان گووتی: پێویسته‌ وه‌زاره‌تی ئه‌وقاف به‌ زووترین كات شتێك ئاماده‌ بكات‌و بیگه‌یه‌نێته‌ په‌رله‌مانی كوردستان، ئێمه‌ش هه‌موو ئاماده‌یی‌و هه‌ماهه‌نگی خۆمان ده‌رده‌بڕین بۆ هاوكاریكردن‌و چاككردنی ژیان‌و گوزه‌رانی زانایانی ئاینی.

شایانی باسه‌ له‌ لێژنه‌ی ئه‌وقاف له‌ په‌رله‌مانی كوردستان كاك یه‌شار نه‌جمه‌دین جێگری سه‌رۆكی لیژنه‌‌و دكتۆر سه‌باح به‌رزنجی ئه‌ندامی لیژنه‌ ئاماده‌بوون، به‌ڕێز حاجی سه‌لام كه‌ریم سیدان راوێژكاری وه‌زاره‌ت‌و به‌رپرسی راگه‌یاندنی وه‌زاره‌تلا ئه‌وقاف نوێنه‌رایه‌تی وه‌زاره‌تی ئه‌وقاف بوو، له‌ یه‌كێتی زانایانیش هه‌ر یه‌ك له‌ مامۆستا مه‌لا جه‌لال خه‌یلانی جێگری سه‌رۆكی یه‌كێتی زانایان‌و مامۆستا مه‌لا محه‌مه‌د وه‌رتی‌و مامۆستا مه‌لا عومه‌ر سوێری‌و شێخ عه‌بدولباسیت بالیسانی و مامۆستا مه‌لا جه‌عفه‌ر گوانی ئه‌ندامانی مه‌كته‌بی ته‌نفیزی‌و مامۆستا مه‌لا دڵشاد گه‌ڵاڵی له‌ په‌یوه‌ندیه‌كانی یه‌كێتی زانایان‌و شێخ نیاز راغب به‌رپرسی لقی هه‌ولێری زانایان له‌ كۆبوونه‌وه‌كه‌ ئاماده‌بوون.