1. لروژا سێ شهمبی رێكهفتی /9/11/2011 :- هێژا (مهلا انس محمد شریف) بهرپرسێ لقێ دهوكێ ئێكهتی زانایان لگهل شاندهكێ تایبهت ژپارێزگهها دهوكێ ب رێكهفتن بو وهلاتێ توركییا بهرهڤ باژێرێ وانێ ب مهبهستا درێژكرنا دهستێ هاریكاریێ بو خهلكێ زیان ڤێ كهفتی ژئهگهرێ وێ ئهردههژینا ل باژێرێ وانێ ودهوروبهرێن وێ دای وهێژا (مهلا انس)ی بناڤێ خهلكێ پارێزگهها دهوكێ ئهو هاریكاری وكومهكا خهلكێ پارێزگهها دهوكێ بهخشین كری پێشكێشی جهێن پهیوهندیدار كرن كو ب ریێا وان بگههیته دهستێ خهلكێ پێدڤی ، ژلایێ خوڤه نوینهرێن خهلكێ زهرهر مهند وزیان ڤێ كهفتی وشارهداریا وانێ سوپاسیا شاندێ مه كرن بو ڤێ ههڤكاریا برایانه ومروڤایهتی ئهوا هاتیه رێكخستن ژلایێ خهلكێ شهرهفمهندێ پارێزگهها دهوكێ ڤه بو برایێن وان لكوردستانا باكور وبتایبهت خهلكێ باژێرێ وانێ 00
2. لروژا پێنج شهمبی رێكهفتی /11/11/2011 :- ب مهبهستا جهژن پیروزكرنێ شاندهكێ كومهلا ئیسلامی ب سهروكاتیا رێزدار (علی بابیر) ئهمیرێ كومهلا ئیسلامی لكوردستانێ هاتنه سهرهدانا بارهگایێ لقا ئێكهتیا مه وشاندێ مێهڤان هاته پێشوازیكرن ژلایێ هێژایان (ملا عبدالغفور عبدالمجید) و(مهلا جهاد حسن) كارگێرێن لقێ دهوكێ ئێكهتی زانایان و(مهلا وحید ابراهیم امین) بهرپرسێ ل ن دهوكێ یا ئێكهتی زانایان وبناڤێ لقێ دهوكێ ئێكهتی زانایان بخێرهاتنهكا گهرم ب شاندێ مێهڤان هاته كرن وجهژنا وان ژی هاته پیروز كرن ههروهها دڤێ سهرهدانێ دا بهحس وڤهكولین هاتنه كرن لسهر بارودوخێ ئهڤرو عیراق ودهڤهرا ناڤین تێدا دژیت بگشتی وكوردستانێ ب تایبهت0
3. لروژا ئێكشهمبی رێكهفتی /20/11/2011 :- هێژا (مهلا انس محمد شریف) بهرپرسێ لقێ دهوكێ ئێكهتی زانایان وب پشكداریا (10) ماموستایێن ئایینی ژكارگێر وئهندامان ئهوێن هاتینه دهستنیشانكرن ژلایێ لقا ئێكهتیا مهڤه وهكو ئهندام بو كونفراسێ زانستی ئهوێ رێڤهبهریا دیڤ چوونا توندوتیژیێ دژی ئافرهتان لدهوكێ پێ رابووی ب پشتهڤانیا كارگێریا پارێزگهها دهوكێ وسهرپهرشتیا زانستی یا زانكویا دهوكێ هاتیه بهستن ل هولا كونفرانسا زانكویا دهوكێ كو بو ماوێ (2) روژا ڤهكێشا لژێر دروشمێ (بهختهوهریا خێزانێ ئارمانجا مه ههمیایه) ودڤی كونفرانسی دا چهندین دان وستاندن وڤهكولین وراپورتێن زانستی هاتنه پێشكێش كرن لدور نههێلانا توندوتیژیێ دژی ئافرهتان وبهختهوهریا خێزانێ ب رهنگهكێ گشتی 00
4. لروژا دووشهمبی رێكهفتی /21/11/2011 :- هێژا (مهلا انس محمد شریف) بهرپرسێ لقێ دهوكێ ئێكهتی زانایان پهیڤهك پێشكێش كر دكونفرانسێ زانستی دا ئهوێ لدور نههێلانا توندوتیژیێ دژی ئافرهتان هاتیه سازكرن ل هولا كونفرانسا زانكویا دهوكێ ئهوێ رێڤهبهریا دیڤ چوونا توندوتیژیێ دژی ئافرهتان لدهوكێ پێ رابووی ب پشتهڤانیا كارگێریا پارێزگهها دهوكێ وسهرپهرشتیا زانستی یا زانكویا دهوكێ ودڤێ پهیڤێ دا هێژا (مهلا انس محمد شریف) بهرپرسێ لقا دهوكێ پشتهڤانیا ئێكهتیا زانایان دهربری بو ئهنجامدانا ڤی كونفرانسی ودا خویا كرن كو ئێكهتیا زانایان بهردهوام پشتهڤانه ویاههڤكاره دگهل دهزگایێن پهیوهندیدار ژبو نههێلانا ههمی جورێن توندتیژیێ دناڤ جڤاكێ مه دا داپتر یێ شاد وبهختهوهر بیت 00
5. لروژا پێنچ شهمبی رێكهفتی /17/11/2011 :- هێژا (مهلا انس محمد شریف) بهرپرسێ لقێ دهوكێ ئێكهتی زانایان پشكداری مێزگهردهكا ڤهكری دا كر ل رادیویا دهوكێ لسهر بابهتێ () وچهندین پسیار هاتنه ئاراسته كرن لدور ڤی بابهتی ژلایێ گوهداران ڤه وبهرسڤ لسهر هاته دان ژلایێ ماموستای ڤه 00
|