دانا مه‌لا حه‌مه‌ئه‌مین – گه‌رمیان :
سه‌رله‌ئیواره‌ی رۆژی هه‌ینی به‌رواری 23/12/2011 به هۆی دواكه‌وتنی باران بارین له واده‌ی وه‌رزی خۆیداو، ئه‌گه‌ری دروست بوونی وشكه ساڵی‌و، وه‌ك زیندووكردنه‌وه‌یه‌ك بۆ سوننه‌تی پێغه‌مبه‌ر (دروودی خوای له‌سه‌ر بێت)، له شاری كه‌لار به ئاماده‌بوونی زۆریَك له مامۆستایانی ئاینی و هه‌زاراران هاولاتی موسڵمانی شاره‌كه، سوننه‌تی نویَژی باران بارین ئه‌نجامدرا.
له‌و باره‌یه‌وه مامۆستایه‌كی ئاینی به‌شداربووی سوننه‌ته‌كه بۆسایتی زانایان دواو گوتی " پاش ئه‌وه‌ی باران بارین له ناوچه‌كه‌مان دواكه‌وت و له‌به‌ر پیویستی هه‌موو گیانله‌به‌ران به باران و وه‌كو سونه‌تیكی پیَغه‌مبه‌ر درودی خوای له‌سه‌ر بێت، له وتاری هه‌ینی دا موسڵمانانمان ئاگاداركرده‌وه كه نویَژه بارانه ئه‌نجام بده‌ین و سوپاس بۆ خوا ئه‌و سونه‌ته‌مان ئه‌نجام دا و به ئومیَدی ئه‌وه‌ی خوا لیَمانی وه‌رگرتبیَت و بارانی به‌ڕه‌حمه‌تمان بۆ بباریَنیَت و به‌زه‌یی پیَماندابَیته‌وه " .
| 
