پشتی فه‌رمانه‌كا وه‌زاری ژ وه‌زاره‌تا ئه‌وقافێ و كارو بارێت ئایینێ ده‌ركه‌تی بلادانا ( ملا رشید سگێری ) گوتاربێژێ مزگه‌فتا ( صلاح الدین ) ل باژێرێ دهوكێ ژ گوتارێت روژا ئه‌ینیێ ، هه‌ژیه بێژین ل روژا ئه‌یینی هه‌ر ل مزگه‌فتا ( صلاح الدین ) هنده‌ك كه‌سان رابوینه بتێكدانا بارودوخێ مزگه‌فتێ وهنده‌ك ره‌فتارێن دێر ژره‌وشتێ ئایینێ ئیسلامێ هاتینه ریدان ، وه‌ك چه‌پله لێدان و ده‌نك بلند كرنێ ده‌ركه‌تنا ژمزگه‌فتێ په‌یداكرنا نه‌ئارمی كرنا نڤێژكه‌ران ،بویه جهێ دل گرانیا زوربه‌ی ماموستایێن ئایینی و خه‌لكێ موسلمانێ باژێرێ دهوكێ، ئو ل دور بریارا لادانا ناڤبری هژماره‌كا ماموستایێت ئایینی ل باره‌گایێ لقێ دهوكێ یێ ئێكه‌تیا زانایێن ئایینێ ئیسلامێ كومڤه‌بوون ، ژبو گه‌نگه‌شه‌كرنێ ل دور ڤی بابه‌تی، و به‌رێزان بوچوونێن خو گه‌هاندنه ئێكه‌تیا زانایێن ئایینێ ئیسلامێ ، هه‌ر وه‌ها بوچوونێن ئێكه‌تیا زانایان دگه‌ل ماموستایێت ئایینی ئێك بوون، وهه‌لویستێ ئێكه‌تیا زانایان د گه‌ل ماموستایێت ئایینی ئێك بوو ژبو پاراستنا و به‌ره‌ڤانی كرنا ژ ماموستایێت ئایینی و پاراستنا ئه‌زموونا دیموكراسیا ئه‌م نوكه تێدا دژین، دڤێت هه‌موو لایه‌ك به‌رچاڤ وه‌ربگریت، وپاشان ژبو هه‌مان مه‌ره‌م سه‌روكێ لقێ دهوكێ یێ ئێكه‌تیا زانایاێن ئایینێ ئیسلامێ به‌رێز ( ملا انس ملا محمد شریف ) دگه‌ل ژماره‌كا ماموستایێن ئایینی سه‌ره‌دانا لقێ ئێكێ پار تی كر، وهاتنه پێشوازیكرن ژلایێ به‌رپرسێ لقێ ئێكێ پارتی و بخێرهاتنا ماموستایێت ئایینی هاته‌كرن ژلایێ به‌رپرسێ لقێ و چه‌ندێن ئه‌ندامیێت لقێ بسنه‌گه‌كێ به‌رفره‌ه به‌رپرسێ لقێ پێشوازیا ماموستایێت ئایینێ ئیسلامێ كر و بیرو بوچونیێن وان ژبو پاراستنا بارودوخ و ئه‌زمامونا ملله‌تێ كورد به‌رز هاته نرخاندن، وبه‌رز هاتنه وه‌رگرتن، و هه‌رده‌م به‌رێزی بشته‌ڤانیا خو بو ماموستایێت ئایینی دیاركریه، بتایبه‌ت ئه‌و شیره‌تێن ئه‌و دده‌ه‌ن، ودیسان گوت ده‌نگێ هه‌وه‌یێن به‌رێز دێ گه‌هیته جهێن بلند، پاشیان سه‌روكێ لقێ دهوكێ یێ ئێكه‌تیا زانایان به‌رێز ( ملا انس محمد شریف ) دیڤ چوون ل سه‌ر بابه‌تی كرو دگه‌ل رێڤه‌به‌ریا ئه‌وقافا دهوكێ بابه‌ت گه‌نگه‌شه‌كر، ل داویێ داخازا به‌رسڤێ ژ وه‌زاره‌تا ئه‌وقافێ و كارو بارێت ئایینی دكه‌ین .
ملا جهاد حسن بیسفكی
ب. راگه‌هاندنا لقێ دهوك زانایان
| 
