راگه‌هاندنا لقێ دهوكێ زانایان
ل روژا پێنچ شه‌مبی رێكه‌فتی /26/1/2012 شانده‌كێ لقا ئێكه‌تیا زانایێن ئایینێ ئیسلامێ، ب سه‌رۆكاتیا به‌رپرسێ لقێ دهوك به‌ڕێز ملا انس ملا محمد شریف و ملا عبدالغفور عبدالمجید راویژكارێ مه‌كته‌با ته‌نفیزی و، ماموستا ملا احسان محمد سلیم و ملا جیهاد حسن بێسفكی كارگێڕێن لقا زانایان و، ب یاوه‌ریا رێزدار (نصرت محمد حسن) رێڤه‌به‌رێ ئه‌وقافا دهوكێ، ب سه‌ره‌دانه‌كێ چوونه پیروزباهییا رێزدار بژار رشید كوره‌ماركی، رێڤه‌به‌رێ گشتی یێ ئاسایشا پارێَزگه‌ها دهوكێ.
پشتی بخێرئانینا شاندامه، رێزدار به‌رپرسێ لقێ دهوكێ‌ً زانایان ب ناڤێ لقێ دهوكێ ئێكه‌تیا زانایان پیرۆزباهی كر ل رێڤه‌به‌رێ گشتی یێ ئاسایشا پارێَزگه‌ها دهوكێ ژبو، وه‌رگرتنا پوستێ وی یێ نی، ئه‌ڤه و دپه‌یڤه‌كێ دا سه‌روكێ لقێ دهوكێ كارێ ئاسایشێ به‌رز نرخاندو، ژكارێت زۆر گرنك وه‌سف كرن، وگوت: پاراستنا وه‌لاتی ژ ئێمناهی و پاراستنا مال و خین و نامیسا هاولاتیان ژ ئه‌ركێ هه‌می موسڵمانانه، نه‌خاسمه ئه‌ڤێت كارێ وان یێ تایبه‌ت بیت بو ڤێ چه‌ندێ، و گوت: ده‌سته‌كێ بتنێ ده‌نگ ژێ ناهێت، له‌وڕا دڤێت ئه‌م هه‌می ڤێ چه‌ندی بكارێ خو بزانین.
هه‌ر د دانیشتنێ دا به‌حسێ ئێمناهی و ئارامیا باژێرێ دهوكێ هاته كرن، كو ئه‌ڤ چه‌نده دزڤریت بو كارێ وان و، خه‌مخۆریا وانا به‌رده‌وام‌و، داخازا به‌رده‌وامیێ بو خاست.
ژلایێ خۆڤه ژی رێڤه‌به‌رێ ناڤبری پشته‌ڤانیا خۆ بۆ په‌یڤێت وی ده‌ربری و گوت: ماموستایێت ئایینی هه‌می گاڤا جهێ رێزو ته‌قدیرا مه‌نه‌‌و، ئه‌م هه‌می گاڤا پشته‌ڤانین بو ماموستایێت ئایینێ پیروزێ ئیسلامێ و، رێ ناده‌ین كه‌س ئایینێ پیروزێ ئیسلامێ ب كار بینیت بۆ به‌رژه‌وه‌ندێت خو یێت تایبه‌ت، و داخازا به‌رده‌وامیێ بو ڤان جوره سه‌ره‌دانا خاست.
| 
