رۆژی چوارشه‌ممه‌ 8/2/2012 به‌ڕێز سه‌رۆكی یه‌كێتی زانایانی ئایینی ئیسلامی كوردستان مامۆستا مه‌لا عه‌بدوڵڵا مه‌لا سه‌عید گرتكی، به‌یاوه‌ری به‌ڕێزان جێگری سه‌رۆك مامۆستا مه‌لا جه‌لال خه‌یلانی‌و، ژماره‌یه‌ك له‌ زانایان ئه‌ندامانی مه‌كته‌بی ته‌نفیزی یه‌كێتی زانایان، سه‌ردانی یه‌كێتی هاورده‌و هه‌نارده‌ی هه‌رێمی كوردستانیان له‌ شاری سلێمانی كردو، له‌ لایه‌ن به‌ڕێزان سه‌رۆك‌و ئه‌ندامانی یه‌كێتی ناوبراو به‌ گه‌رمی پێشوازیان لێكرا.

ئه‌مه‌وله‌ دانیشتنێكدا، جه‌خت له‌سه‌ر گرنگی هه‌ماهه‌نگی‌و په‌یوه‌ندی رێكخراو و ده‌زگاكان كرایه‌وه‌و، په‌یوه‌ندی یه‌كێتی زانایان له‌م رووه‌وه‌ به‌ چاڵاك‌و كاریگه‌ر پێناسه‌كرا.

له‌ به‌شێكی دیكه‌ی دیداره‌كه‌دا باس له‌ رێوشوێن‌و پێویستی به‌ره‌وپێشبردنی كه‌رتی بازرگانی كرایه‌وه‌و، پێداگری له‌ هێنان‌و هاورده‌كردنی كه‌ل‌و په‌ل‌و جل‌و به‌رگ‌و خۆراكی سوودبه‌خش‌و حه‌ڵاڵ‌و شه‌رعی كرایه‌وه‌ كرایه‌وه‌.