به‌ناوی خوای گه‌وره‌‌و میهره‌بان
شه‌وی رابردوو (12/13-2-2012) كه‌سێكی نه‌ناسراو‌و ده‌مامكدار هه‌ڵیكوتاوه‌ته‌ سه‌ر به‌ڕێز مامۆستا مه‌لا عه‌بدولره‌حمانی گه‌نج، پێشنوێژ‌و وتارخوێنی مزگه‌وتی (عبد الله ریخۆڵه‌) له‌ شاری سلێمانی، كه‌ تیزابی به‌سه‌ر مامۆستا داكردووه‌‌و، له‌ ئه‌نجامدا مامۆستا زیانێكی زۆری به‌ركه‌وتووه‌، ئێمه‌ له‌ یه‌كێتی زانایانی ئایینی ئیسلامی كوردستان زۆر به‌ تووندی ئیدانه‌ی ئه‌م كاره‌ نامرۆڤ‌و ناشیاو‌و نا دینداره‌ ده‌كه‌ین‌و، هه‌ڵوقڵاوی ناخی كه‌سانێكی دۆڕاو به‌ ژین‌و بوونن، هه‌ر لێره‌شه‌وه‌ داوا له‌ لایه‌نه‌ پیه‌وه‌ندیداره‌كان (به‌تایبه‌تی لایه‌نه‌ ئه‌منیه‌كانی وه‌زاره‌تی ناوخۆ) ده‌كه‌ین، رێوشوێنی تووند بگرنه‌ به‌ر بۆ دۆزینه‌وه‌ی ئه‌نجامده‌ری تاوانه‌كه‌‌و، به‌ سزای یاسایی خۆی بگات.

هه‌ر لێره‌شه‌وه‌ هه‌موو پشتیوانیه‌كی خۆمان بۆ مامۆستای ناوبراو ده‌رده‌بڕین‌و، داواش له‌ راگه‌یاندنه‌كان‌و مامۆستایان‌و خزم‌و دۆستانی مامۆستا ده‌كه‌ین، پێش لێكۆڵینه‌وه‌‌و راگه‌یاندنی یاسایی هیچ كه‌س‌و لایه‌نێك تۆمه‌تبار نه‌كرێت.

له‌ خوای گه‌وره‌ داواكاری شیفای عاجیلی مامۆستا بدات.

مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
13/2/2012