راگه‌هاندنا لقێ دهوك/ ملا جهاد بیسفكی
ل روژا دووشه‌مبی رێكه‌فتی 2/7/2012 . شانده‌كێ‌ لقی دهوك، یا ئێكه‌تیا زانایان، كو پێكهاتی بو ژ به‌رێزان: مامۆستا مه‌لا جهاد حسن بیسفكی كارگیَرێ‌ لقێ‌ و، مامۆستا مه‌لا تاهر شكر ئه‌ندامێ‌ ناوچا دهۆك زانایان، و دگه‌ل چه‌ند مامۆستایه‌كا به‌ژداری كر دخولا ده‌رچووێن گه‌را هه‌ڤدێ، یا فێرخوازین زانكویا دهۆك، ل یاریگه‌ها دهۆكی یا وه‌رزشی.

هه‌ژی گۆتنێیه‌، رێزدار سه‌روكێ حكومه‌تا هه‌ریما كوردستانێ نیَچرڤان بارزانی و، وه‌زیرێ‌ خاندنا بلند‌و، هژماره‌كا رێڤه‌به‌رو په‌رله‌مانتارو به‌رپرسیَن میری و حزبی‌و، هژماره‌كا زۆر ژ خه‌لكێ‌ دهوكێ ئاماده‌ببون‌و، دناڤا رێوڕه‌سمین ئاهه‌نگێ دا، ` ژلایێ‌ خۆڤه‌ شاندێ لقێ دهوكێ زانایان بروسكه‌كا پیروزباهیێ ئاراسته‌ی لژنا بریَڤه‌برنا ئاهه‌نگێ كرو، تیَدا پیروزباهی ل هه‌می ده‌رچوویان كر‌و، ژ خودێ خاست گه‌را بهێت لژیر سیَبه‌را ده‌وله‌ت بوونێ ئاهه‌نگا ده‌رچووێن قوتابێن مه‌ بهێته‌ كرن.

ژ لایه‌كا دیڤه‌، ل روژا سێ شه‌مبی رێكه‌فتی 3/7/2012 لقێ دهوكێ یێ ئێكه‌تیا زانایێن ئایینێ ئیسلامێ،(8) هه‌شت گوتاریێن جودا ل سه‌ر بابه‌تێن گرێدای بهه‌یڤا ره‌مه‌زانا پیروزڤه،‌ یێت ئایێنی بو هه‌یڤا ره‌مه‌زانێ بو راگه‌هاندنا وه‌زاره‌تا ئه‌وقافێ و كارو بارێت ئایینی به‌رهه‌ڤدكه‌ت، پشتی هنگی دێ هێنه‌ دابه‌شكرن ل سه‌ر سته‌لایێتێن كوردی، ژبو هندێ‌ دا بشێن كاره‌كێ جوان پێشكێشی خه‌لكێ خو یێ موسڵمان بكه‌ن.