ڕاگه‌ياندنى لقى هه‌ولێر: مه‌عروف مه‌لا عولا روستايى : سه‌ر له ئێواره‌ى 21/1/2013 شێخ نياز راغب دێگه‌يى به‌رپرسى لقى هه‌ولێرى يه‌كێتى زانايان له گه‌ڵ شاندى ياوه‌رى كه پێكهاتبوون له مه‌لا معروف روستايى ئه‌ندامى لقء مامۆستا مه‌لا جليل رسول خۆشناوء مامۆستا مه‌لا سيد أسامه به‌رزنجى به‌شداريان كرد له ڤيستڤاڵى پێنچه‌مى (هه‌فته‌ى له دايك بوونى پيرۆز ) به بۆنه‌ى يادى له دايك بوونى پێشه‌واى مرۆڤايه‌تى پێغه‌مبه‌رمان محمد دروودى خواى له سه‌ر بێت له مزگه‌وتى حاجى جليل خيات له شارى هه‌ولێر. جێى ئاماژه پێدانه ئه‌و فيستيڤاڵه ساڵانه له مزگه‌وتى جه‌ليل خه‌يات به‌ڕێوه ده‌چێتء چه‌ندين توێژينه‌وه‌ى تايه‌بت به كه‌سايه‌تى پێغه‌مبه‌ر درودى خواى له‌سه‌ر بێت پێشكه‌ش ده‌كرێن. | 
