یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات    *****    *****   مامۆستا شێخ محمد خۆشکانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سکاڵای یاسایی لەسەر قاسم شەشۆ تۆمار دەکات    *****    *****   ڕاگەیێندراوێکی ھاوبەش لە وەزارەتی ئەوقاف و کاروباری ئایینی و یەکێتی زانایانی ئاینی ئیسلامی کوردستانەوە    *****    *****   شاندێکی باڵای مەکتەبی تەنفیزی یەکێتی زانایان سەردانی بۆردی باڵای وتاری هەینی لە وەزارەتی ئەوقاف دەکات    *****    *****   لەسەر ئاستی باڵا یەکێتی زانایان و وەزارەتی ئەوقاف و کاروباری ئایینی لە کۆبوونەوەیەکی تایبەتدا چەند پرسێک تاوتوێ دەکەن   
به‌لاغی كۆتایی كۆڕبه‌ندی دووه‌می زانستی هه‌رێمایه‌تی
به‌رواری دابه‌زاندن: 28/02/2013 : 16:37:57
قه‌باره‌ی فۆنت
له‌ رۆژانی 27_28/2/2013 له‌ژێر چاودێری سه‌نته‌ری ئیمامی شافعی زانستی‌و به‌هاوكاری له‌گه‌ڵ یه‌كێتی زانایانی ئایینی ئیسلامی كوردستان، دووه‌مین كۆڕبه‌ندی زانستی هه‌رێمایه‌تی به‌ناونیشانی (مفهوم الَامة.. الانطلاق من الثوابت، والرحمة في المتغيرات) له‌ شاری هه‌ولێر‌و له‌ ئوتێلی بێست ئین ئه‌ربیل به‌ڕێوه‌ چوو.
 
له‌و كۆڕبه‌نده‌ ژماره‌یه‌كی به‌رچاوو له‌ توێژه‌رانی بواری ئیسلامی‌و زانایانی ئایینی هه‌ر یه‌ك له‌ وڵاتانی میسڕو ئورده‌ن‌و یه‌مه‌ن‌و كوردستان‌و به‌ به‌ژداری ژماره‌یه‌ك پێش نوێژو وتارخوێنانی هه‌رێمی كوردستان به‌ژداریان تێدا كرد. ئامانج له‌و كۆڕبه‌نده‌ ده‌ست نیشانكردنی قه‌یرانه‌كانی ئێستای موسڵمانان‌و پرسی راجیایی زانایان له‌مه‌ر مه‌سه‌له‌ سه‌رده‌می‌و فیقهیه‌كانه‌وه‌ بووه‌، بۆ ئه‌وه‌ی رێگه‌چاره‌‌و چوارچێوه‌‌و بنه‌ما گشتی‌و ئیسڵاحیه‌كان ده‌ست نیشان بكرێن‌و به‌هۆشیاریه‌وه‌ مامه‌ڵه‌یان له‌گه‌ڵ بكرێت. 
 
بۆیه‌ له‌و كۆڕبه‌نده‌ چه‌ندین وتاری زانستی‌و لێكۆڵینه‌وه‌ی تایبه‌ت به‌ ناونیشانی كۆڕبه‌نده‌ پێشكه‌ش كران، دوای ته‌واو بوونی كاره‌كانی كۆڕبه‌ندیش، ده‌سته‌ی سه‌رپه‌شتیار به‌ڵاغی كۆتایی خوێنده‌وه‌‌و خۆی له‌و چه‌ند خاڵ‌و راسپارده‌ی خواره‌وه‌ ده‌بینیه‌وه‌: 
 
یه‌كه‌م: گه‌ڕان به‌ دوای خاڵه‌ هاوبه‌شه‌كان، كه‌ ژماره‌یان زیاتره‌، تا ببنه‌ هۆكاری كۆكردنه‌وه‌ی موسڵمانان. 
 
دووه‌م: به‌رته‌سكردنه‌وه‌ی زه‌مینه‌سازی له‌به‌رده‌م فیكری په‌رته‌وازه‌یی‌و تیرۆری فیكری‌و تووندڕه‌وی ئایینی. 
 
سێیه‌م: گرنگیدان به‌ وه‌سه‌تیه‌ت‌و مامناوه‌ندی له‌ فیكر‌و كاركردندا. 
 
چواره‌م: هاندانی وه‌زاره‌ته‌ په‌یوه‌ست‌و لایه‌نه‌ به‌رپه‌رسه‌كان بۆ گرتنه‌به‌ری رۆشنبیری پێكه‌وه‌ژیان‌و خۆشه‌ویستی له‌ نێوان پێكهاته‌كانی كۆمه‌ڵگه‌. 
 
پێنجه‌م: هه‌وڵدان بۆ كردنه‌وه‌ی ناوه‌ند‌و كۆمه‌ڵه‌ زانستییه‌ گه‌ڕۆكه‌كان، كه‌ كۆبوونه‌وه‌ی ده‌وریان هه‌بێت‌و، گرنگی به‌ یه‌كگه‌ییشتنی فیكری بده‌ن. 
 
شه‌شه‌م: گرنگیدان به‌ لێكۆڵینه‌وه‌ی تایبه‌تی ده‌رباره‌ی فیكری كافركردن‌و ته‌كفیر، كه‌ ئوممه‌تی ئیسلامی په‌رته‌وازه‌ ده‌كات‌و، مه‌ترسییه‌كانی روونبكرێنه‌وه‌. 
 
حه‌وته‌م: ته‌ركیزكردن له‌سه‌ چاره‌سه‌رییه‌ ئاشتی ‌خوازه‌كان بۆ چاره‌سه‌ركردنی ئه‌و ململانێیانه‌ی ده‌بنه‌ هۆی په‌رته‌وازه‌یی‌و، جه‌ختكردنه‌وه‌ له‌سه‌ر ئه‌وه‌ی خوێن رژتن، بنه‌مای جیاكه‌ره‌وه‌ی فه‌رمان به‌ چاكه‌‌و نه‌هی له‌ خراپه‌یه‌، كه‌ شه‌رع فه‌رمانی پێكردوونه‌ له‌گه‌ڵ فیتنه‌ی حه‌رامكراوی شه‌رعی، ئه‌گه‌ر فه‌رمان به‌ چاكه‌‌و نه‌هی له‌ خراپه‌ بووه‌ هۆی خوێن رشتن ئه‌وه‌ ده‌بێته‌ فیتنه‌. 
 
هه‌شته‌م: به‌كارخستنی بیرۆكه‌ی گفتوگۆی شارستانیه‌ت‌و ئایینه‌كان. 
 
نۆیه‌م: كاركردن بۆ فراوانكردنی كه‌ناڵه‌كانی هاوكاریكردنی زانستی له‌ نێوان زانایانی موسڵمان به‌ شێوه‌یه‌كی به‌رده‌وام. 
 
ده‌یه‌م: كردنه‌وه‌ی كه‌ناڵه‌كانی گفتوگۆ‌و دیالۆگ له‌گه‌ڵ هه‌ڵگرانی بیرۆكه‌ی تووندڕه‌وی‌و، سووربوون له‌سه‌ر ئه‌وه‌ی پشتگوێ نه‌خرێن، تا سنوورێك دابندرێت له‌به‌رده‌م ئه‌وه‌ی تووندڕه‌وی فیكریان نه‌بێته‌ كار‌و خاپووركردن. 
 
یازده‌هه‌م: جه‌ختكردنه‌وه‌ له‌سه‌ر ئه‌وه‌ی ئه‌م كۆڕبه‌نده‌ ته‌واوكه‌ری راسپارده‌كانی كۆڕبه‌ندی یه‌كه‌مه‌ له‌ حه‌رامردنی تاك‌و كۆمه‌ڵه‌كان بۆ چه‌كی كۆكوژ، كه‌ له‌ ئۆرده‌ن له‌ 2-3/10/2012 به‌سترا. 
 
له‌ كۆتاییدا ئاماده‌بووان سوپاسێكی گه‌رمی حكومه‌تی هه‌رێمی كوردستان‌و پارێزگاری هه‌ولێریان كرد بۆ میوانداریكردنی كاره‌كانی ئه‌م كۆڕبه‌نده‌‌و، پێشه‌شكردنی هه‌موو ئاسانكارییه‌كان بۆ به‌ستنی، هه‌روه‌ك سوپاسێكی گه‌رمی شانشینی ئۆرده‌نی هاشمیان كرد به‌ حكومه‌ت‌و گه‌له‌وه‌ له‌سه‌ر پشتیوانیكردن‌و سووربوونی به‌رده‌وامیان له‌سه‌ر هامووشۆی زانستی‌و رۆشنبیری له‌ نێوان زانایانی موسڵمانان.والسّلام علیكم ورحمه‌ الله وبركاته