شانده‌كێ‌ بلندێ‌ زانكۆيا ئه‌زهه‌ر يا مسري كو پێك هاتى بون ژ به‌رێزان سەرۆكی شاندى دكتۆر (محەمەد عەبدولفەزیل ئەلقوسی) وەزیری پێشووی یێ ئەوقافا مسرێ و ئەندامی دەستایا مه‌زنا زانایێن ئەزهەر و هەروەها ئەندامێت شاندى دكتۆر (ئوسامە یاسین) یاریدەدەرێ سەرۆكێ ئەزهەر بۆ كاروبارییت دەرچویان و دكتۆر (عەبدولمەقسود پاشا) ئەندامێ ئەنجوومەنێ باڵا یێ كاروباریێت ئیسلامی ل مصر دگه‌ل شاندێ مه‌كته‌با ته‌نفیزى یا ئێكه‌تیا زانایێن ئایینێ ئیسلامێ ب سه‌روكاتیا (ملا عبدالله ملا سعید گرتكى) سەرۆكێ‌ زانایان سه‌ره‌دانا پارێزگه‌ها دهۆكێ كر و، ژ لايێ‌ رێزدار (ته‌مه‌ر ره‌مه‌زان) پارێزگه‌رێ‌ دهۆكێ‌ ڤه‌ هاتنه‌ پێشوازيكرن و مێڤان كرن، دیسان به‌رى بگه‌هنه‌ باژێرێ دهوكێ هاتنه‌ پێشوازى كرن كرن ژلایێ رێڤه‌به‌رێ گشتى یێ ئه‌وقاف وكارو بارێت ئایینى رێزدار (سمیان عبدالخالق) سه‌روكێ لقێ دهوكێ زانایان ریزدار (ملا انس ملا محمد شه‌ریف) هه‌ر وصا ژلایێ رێڤه‌به‌رێ ئه‌وقافا پارێزگه‌ها دهوكی (جهاد حسن ابراهیم) و چه‌ند ماموستایێت ئایینى. 

 ل روژا دیڤ د ا كو دبو شه‌مبى رێكه‌فتى 30/3/2013 سه‌ره‌دانا لقی دهوكێ یێ ئیكه‌تیا زانایان دا و چه‌ند به‌رپرسێن لقیت زانایان ژ زاخو شێخان و دهوك و ئاكرێ و چه‌ند ماموستاییت ئایینى یێت ناڤدار پێشوازى لێ كر و، بو ماوێ چه‌نده‌كێ به‌حسی چه‌ند ته‌وه‌ران هاتنه‌ كر ن، ئو بو هاته‌ دیاركرن كو ماموستاییت ئایینى ئه‌ڤرو ل كوردستانێ خودان ده‌نگن و، رولی خو هه‌یه‌ دناڤ جڤاكى دا و، شیاینه‌ خو ل گه‌له‌ك كیشا و بیره‌وه‌ریێت ئایینى و نه‌ته‌وى بكه‌نه‌ خودان.

پاشان شاندێ ناڤبرى سه‌ره‌دانا په‌یمانگه‌ها زانستێن ئیسلامى كر ل باژێرى دهوكێ كو هاتنه‌ پێشوازى كرن ژلایێ راگریا په‌یمانگه‌هێ و هه‌مى ماموستایان و، تێدا به‌حسێ رولێ زانستێت شه‌رعى هاته‌كرن، كو بسه‌ربه‌ستانه‌ ئه‌ڤرو حكومه‌تا هه‌رێما كوردستانی خو لێدكه‌ته‌ خودان مینا په‌یمانگه‌ها ئێڤارا یا زانستێت شه‌رعى و قوتابخانا ئایینى ل باژێرێ دهوكێ و چه‌ندین په‌یمان گه‌هو قوتابخانه‌ هه‌نه‌ ل ل كوردستانی، كو خزمه‌تا ئایینى زور دهێته‌ كرن، بخوشحالى ڤه‌ حكومه‌تا هه‌رێما كوردستانێ خولێ كریه‌ خودان.

شاندێ ناڤبرى زور خوشحال بوو بو وێ خزمه‌تا دهێته‌ كرن ژبو به‌رز راگرتنا ئایینێ پیروز.

پاشان شاندێ ناڤبرى دگه‌ل سه‌رجه‌م ماموستایێت ئایینى كومبو ل هولا سه‌روكاتیا ساخله‌میا پاریزگه‌ها دهوكێ كو تێدا پترى چار صه‌د ماموستایان ئاماده‌ببون ژ زاخو دهوك ئامێدى و ئاكرێ و شێخان و به‌رده‌ره‌ش و سێمێلى.

رێوره‌سمێن ڤێ كومبونێ بڤێ شێوه‌ى بون ل ده‌ست پیكێ خاندنا چه‌ند ئایه‌ته‌كێت قورئانا پیروز ژلایێ (احمد عبید) ئه‌ندامێ كومه‌لا جودی یا خاندن و ژبه‌ر كرنا قورئانا پیروز، و پاشان په‌یڤا بخیرهاتنێ هاته‌ خواندن ژلایێ (ملا انس ملا محمد شریف) سه‌روكێ لقێ دهوكێ زانایان و، تێدا بگه‌رمى بخێرهاتنا شاندێ ناڤبرى هاته‌ كرن و، رولێ ئه‌زهه‌رێ بباشى ل قه‌له‌مدا و، باسى هاریكاریا وانا یا به‌رده‌وام و، موكومكرنا په‌یوه‌ندیان دناڤ به‌را ئه‌زهه‌رێ و هه‌رێما كوردستانێ هاته‌ كرن و، دیسان به‌حسی دياركر دديرۆكا كوردستانێ‌ دا گه‌له‌ك سه‌ركرده‌ و مامۆستايێن ئايني يێن خزمه‌تا ڤي ئاينێ‌ پيرۆز كرين هه‌بووينه‌ و، ئه‌ڤ چه‌نده‌ بۆ كوردان بسه‌رفرازي زاني و، ئاماژه‌ ب سه‌ركرده‌ صلاح الدين ئه‌يوبي یێ كوردی كر ئو دیار كر ئه‌ف سه‌ركرده‌ كورد بوويه‌ و شيايه‌ قودسێ‌ رزگاربكه‌ت و، هه‌روه‌سا مه‌لا مسته‌فا بارزاني و شێخ سه‌عيدێ‌ پيران و گه‌له‌كێن دي و، ئه‌و ژي دياركر كو كوردستان نموونا پێكڤه‌ژيانا نه‌ته‌وه‌و ئاينييه‌..

پاشان شاندێ ئه‌زهه‌رێ ده‌ست په‌یڤا خوكر په‌یڤا ده‌ست پێكێ هاته‌ خاندن ژلایی (محەمەد عەبدولفەزیل ئەلقوسی) وەزیری پێشووی یێ ئەوقافا مسرێ د په‌یڤا خودا به‌حسێ‌ رولێ ئه‌زهه‌ر و په‌یوه‌نیان وان هاتنا (ملا مصطفى بارزانى) بو وه‌لاتێ مصرێ و، دیسان باسێ وان خزمه‌تان هاته‌ كرن يێن بۆ ته‌ڤايا ئاينێن ل كوردستانێ‌ دهێنه‌ پێشكێشكرن نه‌ خاسمه‌ ل مزگه‌فتان و كوردستان ژي ئه‌ڤروكه‌ بویه‌ نمونا هه‌ره ‌باشا پێكڤه‌ژيانا ئۆلى و نه‌ته‌وى.

دیسان دیاركر كو ئه‌ڤ په‌يوه‌نديێن كوردستانێ‌ و مسرێ‌ نه‌ بو جارا ئێكێنه‌ هاتینه‌ به‌حسكرن و دياركر كو وان په‌يوه‌نديێن باش ل گه‌ل ئێك هه‌بووينه‌ و دسمينارا خوه‌ دا خواست ژي كو ئه‌ڤ په‌يوه‌ندييه‌ گه‌شێ‌ بكه‌ن و دلخۆشيا خوه‌ ژي به‌رامبه‌ر هاتنا خوه‌ بۆ كوردستانێ‌ دياركر.

پاشي (دكتور عه‌بدولمه‌قسود پاشا) ئه‌ندامێ‌ جڤاتا بلندا كاروبارێن ئيسلامێ‌ ل مسرێ‌ سمینارا دووێ پێشكێشى ئاماده‌بویان كر و، تێدا دیاركر ئه‌گه‌ر ئه‌م بهێن و ديرۆكا ملله‌تێ‌ كورد بخوينين، دێ‌ بينين هه‌مي ده‌ما هاريكارو پشته‌ڤانێن ئاينێ‌ پيرۆزێ‌ ئيسلامێ‌ بووينه‌ و چ جاره‌كێ‌ نه‌به‌رێخو دايه‌ ئه‌ڤه‌ كورده‌ يان عه‌ره‌به‌ يان هه‌ر توخمه‌كێ‌ دي بتنێ‌ به‌رێخودايه‌ كو ئه‌ڤ كه‌سه‌ موسلمانه‌ و به‌س يا لسه‌ر مه‌ ئه‌م ژي بۆ ڤي ملله‌تي ببينه‌ پشته‌ڤان و هاريكار و گۆت: كورد ملله‌ته‌كه‌ زۆر رێزێ‌ ل هه‌مي ئاينان دگريت. پشتى بدوماهیك هاتنا سمیناران ده‌رگه‌هێ پرسیاران هاته‌ ڤه‌كرن و ماموستایێت ئایینى پرسیارێن خو ئاراسته‌ى ئاماده‌بویان كرن و هاتنه‌ به‌رسف دان ژلایێ ماموستایان ڤه‌ . ل دوماهیێ هه‌مى مێڤان و هه‌مى ماموستایێت ئایینى هاتنه‌ مێڤان كرن ل خارنگه‌ها عه‌زاییم ل دهوكێ و كریا رێكا هه‌مى ماموستایێن ژ قه‌زایان هاتین هاتنه‌ مه‌زاختن بهاریكاریا پاریزگه‌رێ دهوكێ كو ئه‌ف چه‌نده‌ و گه‌له‌ك هاریكاریێت دێ بستویێ خوڤه‌ گرتینه‌..

راگه‌هاندنا لقێ دهوك زانایان.