1 / بەرواری 17/4 لەبارەگای لق كۆبونەوەی وتاربێژانمان ئەنجام داو ، پاش وتووێژو ڕاگۆڕینەوە بەپەسند زانرا كەلەوتاری ئەم هەفتەیەماندا باسی كارەساتە دڵتەزێن و نامرۆڤانەكەی 24/4/1974 بكەین ، كەڕژێمە شومەكەی بەعسی فاشی چۆن لەم ڕۆژەدا بەچەند فرۆكەیەكی سیخۆ و بەناپاڵم و بۆمبی فسفۆڕی هێرشی كردە سەر شارە خۆشەویستەكەمان و نزیكەی 167 شەهید و 250 برینداری لێكەوتەوە ، كەهەموویان یان مۆستاو قوتابی زانكۆ یان غەریبەو ژن و مناڵی بێتاوان بوون ،بۆیە پێویستە كەگەلەكەمان بەگشتی وچینی تازەپێگەیشتوش بەتایبەتی ئاگاداربن لەوزامو نەهامەتیانەی كەدوژمنان بەسەر گەلەمانیان هێناوە و بەتایبەتیش شاری قەڵادزەی چەندجار شەهیدمان .كەئەوكاتە مەڵبەندوبنكەی خەبات و بەرخۆدان و عیلم و زانست بوو ،وە بەباشیشمان زانی كەداوالە حوكومەتی خۆمان بكەین كەبایەخی زیاتر بەشارەكەمان بدات و هەڵی قەرەبوكردنەوەی زیان لێكەوتوانیش بكات ،
2 / بەرواری 24/4 بۆزیاتر ڕۆشەنیری و یەكدەنگی وتاربێژەكانمان وباسكردنی ئەوبابەت و موناسەبانەی كەدێنە پێشەوە ، لەبارەگای لق كۆبونەوەی وتاربێژانمان ئەنجام داو بەپێویستمان زانی كە لەوتاری داهاتووماندا تەوەری وتارەكانمان لەسەر ڕێزو ڕۆڵی كرێكار و كاروتێكۆشان بێت و ڕونی بكەینەوە كە چۆن ئیسلام بایەخی زۆری پێداوەو چەندین دەقی قوڕئان و سوننە هەیە لەسەر ئەم بابەتە ..
3 / وەلەهەمان ڕۆژ 24/4 كاتژمێر یەكونیوی دوای نیوەڕۆ لەبارەگای لق پێشوازیمان كرد لە بەڕێز مامۆستا (عەتا) بەڕێوەبەری گشتی ئەوقافی سلێمانی ،وەلەگەڵ بەڕێزیان هەماهەنگی نێوان زانایانمان و ئەوقاف باسكرا ، وە بەئەركی پێویستی سەرشانی هەردوولا زانرا و دانرا كە بۆزیاتر پێشكەوتنی بواری دینی پێویستە هەماهەنگی بتەومان هەبێت ،