لە میانەی سەردانەكەیاندا بۆ شاری دهۆك، رۆژی سێشەمە 18/6/2013 شاندی یەكێتی زانایانی ئایینی ئیسلامی كوردستان شاری زاخۆیان بەسەر كردەوە.
لە سەرەتای سەردانەكەدا كۆبوونەوەیەكان لەگەڵ لقی زاخۆی یەكێتی زانایانی ئایینی ئیسلامی كوردستان ئەنجامداو، لە كۆبوونەوەكە سەرۆكی زانایان تیشكی خستە سەر گرنگترین ئەركو مافەكانی یەكێتی زانایان بەتایبەتی بۆ ئەو مامۆستایانەی، كە پلەی كاركردنیان لە ناو یەكێتی زانایان هەیە بەتایبەتی ستافی لقو ناوچەكان، كە كۆبوونەكە زیاتر تایبەت بوو بەوانەوە.
دواتر سەردانی مەلا سەعی دبەڕێوەبەری ئەوقافی زاخۆیان كردو، لە دانیشتنێكدا تیشك خرایە سەر هەماهەنگی بەردەوامی نێوان ئەوقافو یەكێتی زانایان، كە هەمیشە خۆشسبەختانە بە یەكەوە كارو چالاكییەكانیان ئەنجام داون، بەڕێوەبەری ئەوقافی زاخۆ تەئكیدی لەسەر پەیوەندی بەردەوامیان لەگەڵ لقی زاخۆی زانایان كردەوە.
دواتر سەردانی هەر یەك لە قائیمقامیەتی زاخۆو لقی 8ی پارتی دیموكراتی كوردستانیان كرد، هەر یەك لە بەڕێزان قائیمقامی زاخۆو سەربەست سندۆری بەرپرسی لقی 8ی پارتی لەگەڵ شاندی یەكێتی زانایان قسە لەسەر بارو دۆخی ئەمڕۆی هەرێمی كوردستانو كرا، بەتایبەتی لەوەی پەیوەستە بە باسی زانایانی ئایینیو پیشاندانی رۆڵی زانایانو رێزگرتن لێیان، هەر یەك لە قائیمقامو بەرپرسی لق هاورابوون لە خالَەكانو پشتیوانی تەواوی خۆشیان دەربڕی بۆ پشتیوانیكردن لە كارو چالاكیەكانی یەكێتی زانایانی ئایینی ئیسلامی كوردستان.
شایانی باسە هەر یەك لە جێگری سەرۆكی زانایانو بەرپرسی لقی زاخۆی زانایانو بەرپرسی لقی سلێمانی زانایان یاوەری سەرۆكی زانایان بوون.