رۆژی 22/6/2013 ئهنجومهنی قهزای چۆمانی یهكێتی ئافرهتان سیمینارێكی له ژێر ناونیشانی (پێگهی ئافرهت له ئیسلامدا) بهبهژداری ژمارهیهك ئافرهتی سنوورهكه بۆ مهلا عهبدوڵڵا شێركاوهیی بهرپرسی ناوچهی چۆمانی یهكێتی زانایان رێكخست.
سهرهتای سیمینارهكه ئاواز ئهحمهد بهرپرسی ئهنجومهنی قهزای چۆمانی یهكێتی ئافرهتان، وێڕای بهخێرهێنان تهئكیدی له رۆڵی مامۆستایانی ئایینی كردهوه له خزمهت كردنی كۆمهڵگهو پرسی ئافرهت له روانگهی ئایینی پیرۆزی ئیسلامهوه.
دواتر كۆڕگێر بابهتهكهی پێشكهش كردو تێیدا باسی له پێگهو رێزی ئافرهت له روانگهی ئیسلامهوه كردو، بۆ ئهو مهبهستهش پوختهیهكی له ژیانی ئافرهت بهر له ئیسلامو سهرهتای هاتنی ئیسلامو واقعی مێژووی موسڵمانان خسته روو، ههروهك چهندین دهقی له ئایهتو فهرمووده سهبارهت به پرسی ئافرهتو رێزو پێگهی ئافرهت له روانگهی قورئانو فهرموودهی پێغهمبهرهوه شیكردهوه.
لهبهشێكی تری قسهكانی تیشكی خسته سهر واقعی ئێستای كۆمهڵگهو ئهو گرفتانهی دێنه بهردهم ئافرهتانهوه، كه پێویسته ههمووان ئهو راستیه بزانن، ئافرهت رێز لێگیراوه له ئیسلام، ئهوهی دابو نهریت دهیكا ئیسلام لێی بهرپرس نیه، ههروهك نمونهی چهندین ئافرهتی شكۆمهندی مێژووی سهرهتای ئیسلامو موسڵمانانی هێنایهوه، كه جێ دهستیان دیارهو جێی شانازی موسڵمانانن.
دواتر به پرسیارو سهرهنجی ئامادهبووانهوه سیمینارهكه دهوڵهمهند كراو، لهلایهن خۆشیانهوه یهكێتی ئافرهتان سوپاسی ئهو ههماههنگیو كاره هاوبهشانهیان كردو هیوایان خواست مامۆستایانی ئایینی زیاتر بایهخ بهو مهسهلهیه بدهن.