مه‌ریوان نه‌قشبه‌ندی - شاری مه‌ككه
به‌ڕێوه‌به‌ری راگه‌یاندن و رۆشنبیری له وه‌زاره‌تی حه‌جی سعودیه ده‌ڵێ: ساڵ به ساڵ خواست و داواكاری بۆ سه‌رفه‌ری حه‌ج له وڵاتانی ئه‌وروپاوه له زیادبوندایه و، ساڵی رابردو ته‌نها له به‌ریتانیا و فه‌ره‌نساوه زیاتر له 62هه‌زار كه‌س هاتونه‌ته سعودیه بۆ ئه‌داكردنی فه‌رزی پێنجه‌می ئیسلام، گووتیشی: به‌ڵام به‌هۆی پرۆژه‌ی نۆژه‌نكردنه‌وه و فراوانكردنه‌ی له‌سه‌ر حه‌ره‌می كه‌عبه‌ی پیرۆز وا پێشبینی ئه‌كرێت ڕێژه‌ی ئه‌مساڵی حاجیانی ئه‌و دوو وڵاته له 50هه‌زار كه‌س زیاتر نه‌بێت، به‌رپرسه سعودیه‌كه گووتیشی: به‌هۆی خواستی زۆری موسڵمانانی به‌ریتانیا بۆ سه‌فه‌ری حه‌ج كۆمه‌ڵێك ده‌ڵاڵی حه‌ج په‌یدا بوون ماوه‌یه‌ك پێش وه‌رزی حه‌ج ده‌چنه ناو مزگه‌وته‌كانی به‌ریتانیا و بانگه‌شه‌ی ئه‌وه ده‌كه‌ن كه سه‌فه‌ری حه‌ج به نرخێكی هه‌رزان رێكده‌خه‌ن و، پاره‌یه‌كی زۆر له خه‌ڵك وه‌رده‌گرن و له ناكاو بزر ده‌بن، بۆ ئه‌و مه‌به‌سته وه‌زاره‌تی ده‌ره‌وه‌ی به‌ریتانیا راسته‌وخۆ هاتۆته سه‌ر خه‌ت بۆ بنبڕكردنی ئه‌م دیارده‌یه و ده‌ستگیركردنی ده‌ڵاڵه‌كانی حه‌ج له به‌ریتانیا.
شایانی باسه ئه‌مساڵ به‌هۆی كه‌مبونه‌وه‌ی رێژه‌ی حاجیانی به‌ریتانیا ره‌نگه خه‌رجی هه‌ر حاجیه‌ك له‌و وڵاته‌وه بگاته نزیكه‌ی 8000دۆلاری ئه‌مریكی
